Регион
Словенија подигнува ограда кон Хрватска
Во Словенија во средата утрото започнале подготовките за поставување ограда од бодликава жица на делот од границата со Хрватска, којашто исто така е членка на Европската унија, како што најави премиерот Миро Церар дека неговата земја на тој начин подобро ќе го контролира очекуваниот бегалски брани, но и ќе спречи хуманитарна катастрофа која може да се случи зимава доколку имигрантите на границата од шенгенската ЕУ дојдат во големи бројки и дисперзирано, бидејќи капацитетите за нивно примање во само двомилионската Словенија се ограничени, а ЕУ сé уште не може да ја реши бегалската криза.
Некои словенечки медиуми истакнуваат во извештаите дека овие мерки на владата во Љубљана се преземаат со согласност на Германија и Австрија, земјите кон кои се упатуваат илјадниците бегалци и имигранти кои преку ткн балканска рута доаѓаат до границите на Словенија.
Засега сé уште изостануваат официјални информации од Љубљана во врска со подигнувањето на оградата, меѓутоа од средата рано утрото агенцијата Reuters, како и словенечката STA и хрватската Hina, повикувајќи се на своите репортери пренесуваат дека на границата меѓу двете земји членки на Европската унија, од словенечката страна, започнале логистичките подготовки за поставување на оградата.
Во извештаите се истакнува дека припадниците на словенечката војска ја истоваруваат жицата за оградата којашто прво ќе биде поставена во околината на Брежице кон средината на денот.
Словенечката телевизија наведува, повикувајќи се на неофицијални извори, дека жичената ограда која околу пладне ќе ја поставуваат припадниците на војската и на цивилната заштита ќе биде висока околу 180 сантиметри. За тоа било известено и локалното населени, а започнато е со оградувањето на просторот па на новинарите не им е дозволен пристапот.
Словенечката војска и полиција веќе во средата утрото почнале да ја поставуваат оградата крај реката Сутла, која е природна граница со Хрватска, недалеку од граничниот премин Хармица и од двете страни на граничниот премин Гибине на реката Мура.
Според неофицијалните информации на коишто уште пред неколку денови се повикуваше словенечката комерцијална телевизија POP-TV, словенечката влада купила околу 120 километри жица за заштита на најчувствителните делови од границата со Хрватска, во случај да се јави неконтролирано и дисперзирано преминување на имигрантите преку зелената граница.
Премиерот Миро Церар во вторникот на прес-конференција објави дека Словенија може во среда или во четврток да ја зафати бран од околу 30.000 имигранти кои се движат од Грција. Затоа поставувањето на физичките препреки на границата со Хрватска е неопходно поради безбедноста на словенечките граѓани, но и поради спречување на потенцијалната хуманитарна катастрофа, доколку овој бран оваа зима би се разлеал низ Словенија и во Европската унија во зимски услови, истакна Церар.
Љубљанскиот дневен весник Del во средата пишува дека поставувањето на оградата на словенечката шенгенска граница, како и за сигналот на Церар кон Европа и „за последниот повика за европска солидарност“, како и за зголемувањето на помошта за Словенија да се сочи со напливот бегалци.
Поставувањето на техничките препреки на границата со Хрватска која во последните 25 дена ја минале 180.000 имигранти, веројатно е знак дека „на синхронизиран начин се завршува европската подготвеноста за целосна отвореност на границата“ за имиграните и бегалците од Блискиот исток, бидејќи е „тешко да се верува дека тоа Словенија самата би го сторила, без волја на Германија и Австрија“, се наведува во ударниот коментар на водечкиот словенечки дневен весник.
Сега целото внимание е насочено кон Германија, во којашто е речиси исцрпена „внатрешната толерантност“ од големиот бегалски прилив последните месеци, се наведува натаму, и се додава дека ЕУ е во големи тешкотии, бидејќи во исто време кога „Европа ги поставува оградите за имигрантите“, британскиот премиер Дејвид Камерон ѝ поставува на ЕУ услови под коишто својата земја е подготвен да ја задржи во Унијата, и тоа барања кои немаат никаква поврзаност со бегалската проблематика.
Дневниот весник Dnevnik, пак, на насловната страница во средата носи помалку ироничен наслов „Хуманитарна ограда за заштита на границата“, со кој се алудира на контрадикторната реторика, којашто како оправдување за поставувањето на оградата од бодликава жица ја користел премиерот Церар.
Во написот се наведува дека Церар со поставувањето на првите километри сакал да ѝ упати сигнал на ЕУ, сепак, да најде заедничко решение и да ги заштити надворешните граници на Унијата, што досега не ѝ успеваше, но и дека словенечкиот премиер всушност се надева оти неговиот потег ќе предизвика домино ефект во земјите на ткн балканска бегалска криза и поставување на жиците на другите граници кон Грција, што е идеја којашто пред една седмица прв ја промовираше опозицискиот челник и поранешен премиер Јанез Јанша./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.