Регион
Словенија задоволна од продолжувањето на постапката за решавање на граничниот спор со Хрватска
Словенечкиот премиер Миро Церар ја поздрави одлуката на арбитражниот суд да продолжи со постапката за решавањето на граничниот спор помеѓу Словенија и Хрватска, пренесуваат словенечките медиуми.
Словенечкиот премиер Миро Церар ја поздрави одлуката на арбитражниот суд да продолжи со постапката за решавањето на граничниот спор помеѓу Словенија и Хрватска, пренесуваат словенечките медиуми.
Според Церар, Словенија и натаму ќе ја поддржува арбитражната постапка и арбитражниот суд, и верува дека тој е во состојба да донесе „праведна, конечна и обврзувачка“ пресуда во долгогодишниот спор меѓу двете држави.
„Словенија ќе ја почитува одлуката, а истото се очекува и од Хрватска“, навел словенечкиот премиер, додавајќи дека нерешениот спор ги оптоварува односите меѓу двете земји и нивното население уште од времето кога Словенија и Хрватска станаа независни држави, и поради тоа е „неопходно да се реши“.
Одлуката на арбитражниот суд во Хаг да продолжи со арбитражната постапка за граничниот спор меѓу Хрватска и Словенија, што последните година дена беше и официјален став на Љубљана, која одлуката на хрватскиот Сабор и владата за излегувањето од постапката ја сметаше како неоправдана, беше прокоментирана и од страна на словенечкиот претседател Борут Пахор, кој изрази задоволство.
„Изразувам задоволство со одлуката на арбитражниот суд да продолжи со својата работа и таа ме охрабрува и очекувањата се арбитрите да донесат и конечна пресуда, односно да ја одредат границата меѓу двете држави“, се наведува во реакцијата на Пахор. Тој како словенечки премиер во 2009-та година со тогашната хрватска премиерка Јадранка Косор во потпиша договорот за арбитража, за кој потоа тврдеше дека е неговиот најголем надворешнополитички успех./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.