Регион
Смртни закани за српскиот заменик тужител за воени злосторства
Српското Обвинителство за воени злосторства објави во саботата дека е многу загрижено поради заканите со смрт упатени кон заменикот обвинител Бруно Векариќ и неговото семејството, оценувајќи дека во јавноста се создава атмосфера на линч за да се спречат тековните истраги за најтешките масовни злосторства.
Српското Обвинителство за воени злосторства објави во саботата дека е многу загрижено поради заканите со смрт упатени кон заменикот обвинител Бруно Векариќ и неговото семејството, оценувајќи дека во јавноста се создава атмосфера на линч за да се спречат тековните истраги за најтешките масовни злосторства.
Соопштението на српското Обвинителство за воени злосторства уследи по изјавата на пратеникот на владејачката Српска напредна партија (СНС) во српскиот парламент Милован Дрецун, дека Бруно Векариќ е незаконски на функцијата заемник обвинител.
Кампањата којашто ја води парламентарецот и претседател на парламентарната комисија за Косово и Метохија, Милован Дрецун, „создаде атмосфера на линч со цел конечно да се оневозможи работата во истражувањето на најтешките предмети за масовните воени злосторства, како што се ‘Медиуми’, ‘Штрпци’, ‘Исток’, ‘Сребреница’, ‘Насер Орлиќ’“, се наведува во соопштението.
Обвинителството со надлежните органи утврдува од каде стигнуваат таквите закани и истакнува дека „заканите со смрт и обвинувањата за велепредавство нема да ја спречи решителноста да бидат изведени пред правдата сторителите на најтешките воени злосторства“.
Заменикот обвинител Бруно Векариќ се жалеше и претходно на закани и предупреди дека тоа може да има сериозни последици, „Добивам закани. Им се закануваат на моите деца, има закани за луѓето со кои сум најблизок и сето тоа може да се претвори во нешто многу посериозно“, изјави во четвртокот за Радио Б92.
Пратеникот Дрецун истиот ден изјави дека Векариќ противзаконски е на должноста заменик обвинител за воени злосторства и дека не го минал изборот низ Скупштината (парламент) на Србија, туку на функцијата го именувало Државниот совет на обвинителите.
Реагирајќи на тие тврдења, Векариќ изјави дека пратеникот на „напредњаците“ го обвинил, бидејќи како некогашен воен известител еден од осомничениот во предметот „Медиуми“.
„Очигледно станува збор за зла намера и кампања поради предметите ‘Медиуми’, ‘Штрпци’, ‘Братунац’ ‘Исток’, ‘Сребреница’ и ‘Браќата Битичи’. Работиме сериозни предмети за коишто јавноста набрзо ќе слушне, а ваквото изнесување невистини е еден од начините да се загрози самостојноста на обвинителството“, оцени Векариќ за агенцијата Бета.
Во предметот „Медиуми“ се води предистражна постапка против повеќе осомничени за повикување или поттикнување на воени злосторства во текот на 1990-те години, кога пратеникот на владејачката Српска напредна партија, Милован Дрецун, беше воен известувач на Радио-телевизија Србија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кризата во Бугарија продолжува: никој не може да формира влада, на повидок се нови избори
Претставниците на партијата Има таков народ, денеска, на бугарскиот претседател Румен Радев му го вратија третиот и последен мандат за состав на влада, со што се отвора патот за закажување вонредни парламентарна избори.
Мандатот што ѝ беше врачен на ИТН беше последна шанса за формирање редовна влада во рамките на сегашното Народно собрание, јавува Бугарското радио. Претседателот Радев сега треба да го одреди датумот на предвремените избори за парламентот откога неисполнети му беа вратени трите мандати за формирање влада.
На изборите во април минатата година ГЕРБ освои 69 пратенички мандати, коалицијата предводена од партијата Продолжуваме со промените освои 64 од вкупно 240 места во бугарскиот парламент, а нивните обиди за формирање влада претходно беа неуспешни.
Првиот мандат Радев ѝ го довери на коалицијата ГЕРБ-СДС, но таа не формира влада, мандатарката Марија Габриел се откажа и го врати мандатот.
Вториот мандат за состав на влада му беше доверен на Николај Денков.
Третиот мандат за состав на влада, според бугарскиот Устав, претседателот го доверува на една од другите парламентарни сили, по негова дискреција, во рок од 7 дена. Според Уставот, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеца.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.