Регион
Со навреди прекинат говорот на српскиот претседател Николиќ на Косово
Со навредливи повици група косовски Срби го прекина говорот во саботата на српскиот претседател Томислав Николиќ пред споменикот на српските јунаци на Газиместан во поранешната српска јужна покраина Косово и Метохија, по повод одбележувањето на годишнината на Косовската битка и Видовден кој во Србија се слави како државен празник.
На Газиместан поголема група млади луѓе извикувала пароли „Го предадовте Косово“, „Томо Шиптару“, а додека српскиот претседател Томислав Николиќ се обидувал да ја смири ситуацијата, неговите приврзаници со аплаузи и повици „Да живее Томо Николиќ“ и „Да живее Србија“, пренесуваат белградските електронски медиуми.
Николиќ, како што пренесуваат Б92 и Радиотелевизија Србија (РТС), неколкупати се обидел да ја смири ситуацијата, обраќајќи им се на они што протестирале со „сите ние сме Срби“, но во текот на говорот повеќепати прекинуван со силни противење била фрлена и петарда, по што реагирало обезбедувањето на српскиот претседател, па неговиот говор бил прекинат.
Потоа Николиќ му се обратил на митрополитот Амфилохие о зборовите „Простете поради неслогата. Сите тие се наши деца“.
Како што се истакнува во извештајот на РТС, претседателот Николиќ во говорот спомнал дека Албанците градат куќи и ги обработуваат имотите на Косово и им посакал тие вечно да им потраат, но и додал дека „не треба да се заборави дека градат на српска територија. „Србија ќе преговара до крај и со сите“, порачал Николиќ.
Србија го одбележува Видовден како државен празник во знак на сеќавање на Косовската битка против турската османлиска војска од 28-ми јуни 1389 година, а во манастирот Грачаница, о централно Косово во саботата се одржа богослужба. Српскиот претседател положи венец во Крушевац, поранешна српска престолнина од каде што царот Лазар ја повел војската на Косово и Метохија.
Српските историчар сметаат дека Видовден е значаен датум во колективната историја на српскиот народ и еден од темелите на колективниот идентитет, бидејќи е празник кој ги сиболизира отпорот кон освојувачот и слободата, а истовремено и претставува негување на патриотските и чувства и националното битие, а од историски аспект е важен како пресвртница по периодот на развојот под владетелите од династијата Немањиќ.
Водовден, исто така, во саботата се одбележува и во источниот дел од босанскохерцеговскиот ентитет Република Српска, во градот Вишеград, каде што богослужел патријархот Иринеј.
Во Вишеград и делот Андриќград вечерта со низа свечености ќе биде одбележана и 100-годишнината од Сараевскиот атентат на Гаврило Принцип врз австрискиот престолонаследник Фердинанд што се смета за почеток на Првата светска војна, при што ќе биде прикажан перформанс според идејата на режисерот Емир Кустурица, идеен творец на Андриќград. На свеченоста, според најавата, ќе присуствува и премиерот на српската влада, Александар Вучиќ./крај/мф/сн
Извор: ФОТО: Танјуг – Српскиот претседател Т. Николиќ исвиркан од косовските Срби на Газиместан
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.