Регион
Со пропусница на ИС стигнал до Србија преку Македонија
Сириец со патна исправа со која слободно можел да се движи на територија на Исламска држава е прв мигрант за кого постел сомнеж дека е терорист, а во Србија стигнал преку Македонија, јавува „Blic“.
Пред две недели, Сириец влегол во Србија преку Македонија, а сомнежот дека можеби се работи за терорист настанал на Прешево, кога од џебот ги вадел своите документи.Во тој момент неговиот шура му довикнал да не покажува еден документ.„Тргни го тој документ, не го покажувај“, рекол шурата, кој патувал во иста група со него. Српскиот преведувач веднаш реагирал и го пријавил случајот, по што припадници на безбедносната агенција, дошле да го контролираат, вели за „Blic” извор близок до српските безбедносни служби.Припадник на БИА тогаш го зел спорниот документ за кој се покажало дека е вид пропусница за движење по области под контрола на ИС. Во документот имало многу печати, но ниту една ознака за ИС.„Сириецот бил детално претресен и откриено е дека на телото има лузни. Поради сомнежот дека се работи за терорист, веднаш е префрлен во притвор во Падинска Скела, во кој остал додека траеле проверките“, вели изворот.Како што се утврдило, тој бил борец на страната на претседателот Башар ал Асад, и паднал во заробеништво, каде и ги заработил лузните. Потоа успеал да се спаси и затоа одлучил да побегне со семејството од Сирија.„Проверките траеле неколку дена, а Сириецот е пуштен откако е утврдено дека нема врска со терористички организации. Информацијата за неговото влегување е проследена до останатите европски полиции“, вели изворот.Српската полиција до сега нема забележано случај за поминување на некој што има врска со терористички групации, но и не постои можност за проверка на биографиите на мигрантите од Сирија.Сомнителните мигранти се проверуваат низ податоците на Интерпол затоа што не постои соработка со сириските власти, па затоа секогаш постои можност некој терорист да помине низ скенер вратата.Сите мигранти во Прешево се фотографираат им се зема отпечаток од прст и се запишуваат со името кое го дале, а така влегуваат во меѓународната база на податоци AFIS и под тоа име се водат по целото патување низ Европа, а под тоа име и аплицираат за азил./крај/б/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.