Регион
Соботка: Затворањето на границите би предизвикало крвави судири на Балканот
Чешкиот премиер Бохуслав Соботка смета дека затворањето на границите во земјите од западен Балкан за бегалците „лесно би можело да ги обнови старите крвави судири на Балканот“, пренесуваат чешките медиуми.
Во интервју за чешкиот неделник Респект, Соботка рекол дека бегалскиот бран би се пренел на Балканот и затоа смета дека затворањето на границите на одредени балкански земји не е добар пат, бидејќи тоа би можело да биде поврзано со силни судири.
„Едноставно, Балканот сé уште не е интегриран, а сеќавањата на војните таму се доста живи. Доколку притисокот на миграцијата не е во состојба да биде контролиран од страна на Турција во соработка со Грција, решението треба да се договори со Бугарија, Македонија и Албанија, да им се понуди максимална помош и да се започне со регулација на миграцијата на нивните граници“, рекол Соботка.
Чешкиот премиер додал дека ЕУ на овој начин би извршила дополнителен притисок над Грција за подобро да соработуваат со Турција во совладувањето на бегалскиот бран. За таканаречениот „план Б“, Брисел да постави брана на бегалскиот бран на јужните граници на Македонија и Бугарија, ќе се расправа на вонредниот самит во Прага на 15-ти февруари, на кој ќе учествуваат премиерите на земјите од Вишеградската група (Чешка, Словачка, Полска и Унгарија“, кои заедно сакаат да му достават предлог на Брисел.
„Зачувувањето на Шенген не е само во интерес на Чешка, Словачка и Полска, туку и на земји како што се Германија, Франција и Холандија. Ниедна од овие земји не најави дека сака да воведе некакви мерки кои би значеле разбивање на шенгенскиот простор. Низа земји, вклучувајќи не и нас, ги засилуваат патролите на границите, но никој не планира да го уништи Шенген просторот“, рекол чешкиот премиер. Тој исто така додал дека затворањето на германските граници не би значело и непосредна опасност Чешка да стане транзит земја.
„Границите веднаш би ги затворила Австрија. Бидејќи Унгарија на границата има ограда, а Словачка е подготвена да преземе доста остри мерки за безбедност, веројатно миграцискиот тек би се променил. Делимично би застанал, а делимично би се затворале границите на одредени балкански држави“, објасил Соботка./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.
Регион
„Можеби некој ги следел, загрижен сум што Ивана толку ја држат“: се огласи вујкото на Данка
Стефан Драгомировиќ, братот на Ивана Илиќ, мајката на исчезнатата Данка Илиќ, девојчето од Бор се огласи за целата ситуација за српските медиуми. Вели дека е загрижен за својата внука, но и за сопствената сестра.
Во средата и четвртокот Ивана ноќта ја поминала кај својот брат бидејќи полицијата поради истрага ја одвоила од сопругот Милош, таткото на Данка.
„Загрижен сум што Ивана ја држат толку долго, но се тешам што нејзините изјави се највалидни бидејќи последна ја виде Данка, односно исчезна пред нејзини очи. Таа беше уништена и плачеше и ми рече дека не може да спие цела ноќ. И покрај се, морав да работам. Бев во рудникот. Јас и моето семејство немаме што да криеме“, вели тој.
Тој додава дека додека по детето се трага, а полицијата ги истражува сите околности, најдобро е ништо да не се каже за да не се усложни истрагата.
„Веднаш почнав да трагам, но набрзо ми рекоа дека не можеме да го направиме тоа и со тоа да ја загрозиме истрагата“, раскажува Стефан.
Тој раскажува што му кажала неговата сестра Ивана за исчезнувањето на нејзината ќерка.
„Ивана тој ден отиде на плацот со Лазо и Данка, каде што не доаѓа толку често како мене. Таа дојде затоа што е на одмор и беше убав ден за да можат децата да поминуваат време на отворено. Ги гледала децата како си играат на плацот, каде што бил паркиран нејзиниот автомобил. Лазо побарал вода за пиење, а Ивана, бидејќи водата во куќата е затворена, отишла до автомобилот да земе вода и му ја дала да пие. Погледнала каде е Данка, но не ја видела. Мислела дека е некаде во задниот дел зад дрвјата, кои беа толку многу што од автомобилот каде што беше Ивана, не можеше да има поглед на тој дел зад плацот. И почнува потрагата, па агонијата што се проширува“, раскажува вујкото на Данка.
Тој се сомнева дека девојката е киднапирана.
– Можно е некој да ја следел Ивана со децата до Бањско поле и да го искористил моментот за да го грабнал детето – вели Стефан.
Тој зборуваше и за сомнежите кои се појавија дека мајката и таткото нешто му направиле на детето.
– Мислам дека Ивана не е способна за такво нешто и не можам да замислам дека знае каде исчезна Данка. Верувам дека Ивана ја кажува вистината бидејќи нејзината изјава се совпаѓа со ситуацијата во која се нашла со оглед на тоа што шишето со вода било во совозачката врата. И точно е дека поради дрвата не можела да има поглед кон Данка – истакнува вујкото.
Откако детето исчезна на парцелата Драгоморовиќ, Стефан го знае секој детал од тој имот и објаснува дека багерите не копаат, туку само расчистуваат. Тој објаснува дека дезинформациите се за тајни канали на нивната земја.
– Багерите не копаат, расчистуваат. Има канал кој носи вода од езерото до поранешната РТБ и минува под нашиот имот. Пробива на парцелата каде што сега ни е забранет пристапот. Урнатините таму се мои затоа што чував некои машински делови во куќата. Порано работев во сервис за бела техника. Таму имаме лозје и бавчи, рече Драгомировиќ.
Различни можни верзии стигнале до него и ја разгледувал секоја можност што ќе му текне, вели ја прашал сестра му дали можеби го гледала мобилниот телефон, се занела и заборавила на Данка.
-Ми кажа дека не и дека телефонот во тој момент и бил во џеб.
Стефан не знае дека Ивана и Милош имале непријатели и непријатност во соседството поради што некој би сакал да им наштети.
– Во Бањско поле нема такви. Сите се пријатни. А колку што знам, дури и во нивната зграда која е висока 10 или 11 ката, претпоставувам се е како што треба – вели тој.
Тоа што Ивана и Милош ја сменија вратата и поставија видео надзор не го изненадува.
– Претпоставувам дека сите се стремиме кон подобро. Вратата уште не е поставена, а не се сеќавам, но мислам дека камерата е поставена пред година и пол од безбедносни причини, не поради непријатности. Колку што знам, одговори вујкото на малата Данка.
Вујкото на исчезнатото дете вели дека детето не можело да падне во некоја вода и така да исчезне.
– На тој простор има езерце каде се собира вода, но е пребарано. а за каналот има три четири шахти според РТБ, но сите се физички затворени, изјави братот на мајката на исчезнатата Данка.
Ја отфрла можноста таа да паднала во септичка јама или во бунар бидејќи вели дека нема.