Регион
Собрани 1,8 милијарди евра за Србија и БиХ на донаторска вечер во Брисел
За отстранување на последиците од поплавите што ги погодија Србија и Босна и Херцеговина во мај, на донаторска вечер во Брисел што се одржа во среда вечер беа собрани околу 1,8 милијарди евра. Од нив 995 милиони се за Србија, а 809 милиони евра за БиХ.
На донаторската вечер учествуваа претставници на 23 меѓународни организации и 60 земји.
Како што објави Б92, речиси 900 милиони евра од собраните средства за Србија се заеми, а од ЕУ ќе добие 80 милиони евра бесповратни средства.
„Цифрата од 1,8 милијарди евра помош што денеска е спомената на донаторската конференција е импозантна, но треба да се земе со резерва“, вели министерката за евроинтеграции на Србија, Јадранка Јоксимовиќ, нагласувајќи дека само мал дел од сумата претставуваат свежи пари.
„Мора да ги разделиме директните донации од кредитите и да ги видиме условите под кои ќе ги добиеме тие кредити“, рекла таа.
Како што објави Б92 најголем донатор од државите е Русија со 30.5 милиони евра. Потоа следуваат Швајцарија и САД со донирани 11,8 милиони евра, односно 16,6 милиони евра.
Македонија донираше по 100.000 евра за БиХ, Србија и Хрватска и над 100 илјади евра за одредени организации.
Од меѓународните организации најголем донатор е Европската банка за обнова и развој која и стави на располагање на Србија над 300 милиони евра за обнова на јавниот сектор, а на БиХ 58 милиони, додека на двете земји им е одобрено по уште 100 милиони ера за потребите на малите и средните општини за отстранување на последиците од поплавите.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.