Регион
Србија: Автомобил полн со оружје пронајден крај семејната куќа на Вучиќ
Полицијата во близина на семејната куќа на српскиот премиер Александар Вучиќ во белградската населба Јајинци нашла автомобил со оружје, објавија во саботата вечерта белградските медиуми, а премиерот одби да ја коментира информацијата велејќи дека ја чека информацијата од Безнедносно-информативната агенција (БИА).
Електронското издание на весникот Блиц наведува дека оружјето било во сандаци во автомобил покрај шеталиштето кон спомен паркот Јајинци, во близина на семејната куќана таткото на Александар Вучиќ во којашто српскиот премиер често престојува.
По пријава од граѓани за сомнително возило, полицајците нашле рачен фрлач М-80 познат како „зоља“, четири рачни бомби, 100 парчиња муниција калибар 7,62мм, како и неколку куршуми за автоматско оружје.
Изворите на Блиц тврдат дека сандаците со оружјето сенајдени во блиндиран автомобил, а провладината Телевизија Пинк наведува дека автомобилот е најден на околу 50 метри од патот кој води до семејната куќа на премиерот Вучиќ.
Српскиот премиер во саботата ноќта одби да ги коментира медиумските написи, додека не добие релевантни информации. „Не можам да давам никакви изјави додека не добијам информација од БИА и од полицијата. Тоа е сето што можам да го кажам во овој момент“, изјави Вучиќ за новинарите.
Засега нема официјални соопштенија ниту од БИА, ниту од Министерството за внатрешни работи. Министерот за внатрешни работи, Небојша Стефановиќ, изрази „голема загриженост“ во врска со откривањето на автомобилот со оружје и откри дека српскиот премиер „се наоѓа на безбедна локација“, пренесува агенцијата Танјуг.
Според неофицијални информации, српското државно обвинителство побарало ДНК анализа на отпечатоците од рачниот фрлач „зоља“, бомбите и муницијата, за што поскоро да се утврди како тој арсенал се нашол во близина на семејната куќа на премиерот.
Министерот за труд и социјална грижа Александар Вулин ги повика надлежните институции да одговорат „кој подготвувал убиство на премиерот“ Вучиќ и истакна дека оние кои „не се во состојба на тоа да одговорат треба да заминат и да им ги препуштат местата на оние коишто сакаат да работат“.
„Ова сигурно не е првпат, а за жал нема да биде ниту последен, да се подготвува убиство на премиерот и на членови на неговото семејство доколку конечно не ги дознаеме имињата на тие луѓе, и по чиј налог тоа го права“, реле Вулин
Според медиумите, полицијата го блокирала подрачјето во кое е најден автомобилот со оружје, со строга контролана сообраќајот и движењето во таа област./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.