Регион
Србија очекува позитивен расплет на киднапирањето на двајцата нејзини државјани во Либија
Српската влада формира кризен штаб по нападот врз српскиот амбасадор и киднапирањето на двајца вработени од амбасадата во Либија, а премиерот Александар Вучиќ и министерството за надворешни работи очекуваат „позитивен расплет во следните 48 часа“, пренесуваат српските медиуми.
Во либискиот град Сабрата во неделата околу пладне била нападната колоната од возила во кои биле српскиот амбасадор Оливер Потежица и неговата придружба додека се движеле кон Тунис, а во нападот едно лице било рането, додека двајца – секретарката задолжена за комуникација Слаѓана Станковиќ и возачот Јовица Степиќ биле киднапирани.
Потежица во изјава за Танјуг опишал дека нападот бил „како на филм“ и дека во пресретувањето на колоната еден либиски државјанин бил ранет, додека по инцидентот едно лице биле уапсени и се верува дека по соочувањето со ранетиот Либиец би можело да се дојде до „некои информации“.
Државниот секретар на министерството за надворешни работи Вељко Одаловиќ изјавил дека либиските претставници навеле дека се уверени оти киднапираните српски службеници ќе бидат вратени во следните 48 часа, а според него ова може да значи дека можеби киднаперите се лоцирани.
Според светските агенции, сите безбедносни служби во Сабрата се максимално ангажирани, поставени се контролни пунктови и потрагата е во тек. Неименуван началник на воениот совет во изјава за AFP потенцирал дека верува оти двајцата службеници се се уште во Сабрата. Воениот совет на Сабрата е задолжен за безбедноста на ова подрачје и е лојален кон алијансата која го контролира главниот град Триполи, навела француската агенција.
Сабрата се смета за едно од упориштата на екстремистите во Либија, каде безредието по соборувањето на режимот на Муамер ел Гадари привлече радикални екстремисти и џихадисти. Српското МНР во неделата потврди дека во Сабрата биле киднапирани службениците Станковиќ и Степиќ, а шефот на дипломатијата Ивица Дачиќ потоа разговорал и со неговиот либиски колега Мухамед Имхамид Абдулазиз.
„Немаме информации за тоа кои се киднаперите. Никој не се јави со било какви барања, ја следиме состојбата. Формиран е кризен штаб кој работи на решавање на вонредната состојба. За тоа го известив и премиерот, цела држава е ангажрана“, навел Дачиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.