(Видео) Србија оди на избори во октомври, Вучиќ ги објави можните датуми

Српскиот претседател Александар Вучиќ изјави дека предвремените парламентарни избори во Србија ќе се одржат на 18 или 25 октомври.

Во гостувањето на „Дневник 2“ на РТС, тој рече дека точниот датум ќе биде познат во следните неколку дена. Минатата недела објави дека изборите ќе бидат распишани многу наскоро и дека кампањата ќе трае помеѓу 45 и 60 дена.

„Значи, парламентарните избори во Србија ќе се одржат, како што стојат работите, или на 18 или 25 октомври, и тоа ќе знаеме за накој ден“, рече Вучиќ.

„Сега ги решивме шпекулациите“

Вучиќ се осврна и на претходните шпекулации за датумот на изборите.

„Добро, кога рековме изборна кампања. Бидејќи гледам дека некои луѓе не знаат да бројат, не е тешко да се пресмета. Пресметаа дека ќе биде кон крајот на октомври или почетокот на ноември, имаше шпекулации, но сега го решивме тоа. Да ме слушавте внимателно, ќе беше лесно да се заклучи“, рече тој.

Вучиќ уште во јули рече дека изборите треба да се одржат во октомври или ноември, а на 16 август рече дека ќе бидат распишани во рок од 15 до 25 дена.

За време на неговото гостување на РТС, тој зборуваше и за писмото што му го испратил на генералниот секретар на НАТО, Марк Руте, и за големиот пожар во Србија.