Регион
Србија за една деценија ја напуштиле 175.000 млади луѓе
За само една деценија, Србија ја напуштиле околу 175.000 луѓе, најмногу млади и високообразовани на просечна возраст од 29 години, објави Радио-телевизија Србија (РТС).
Повикувајќи се на споредбени податоци од пописот на населението во 2011 година, РТС истакнува дека младите и високо образовани луѓе од Србија заминуваат во потрага по работа, и оти главно не се враќаат.
Истовремено, експертите од областа на социолошките науки укажуваат на фактот дека на младите им е сé потешко да најдат место на пазарот на трудот и да стекнат услови за осамостојување и формирање семејство, а за повеќето млади главна пречка на патот до осамостојувањето е невработеност. Според податоците на Националната служба за вработување, во евиденцијата има околу 766.500 невработени, а дури околу 183.000 невработени до 30 години, кои чекаат на работа во просек по две години.
Од вкупно 7.186.000 милиони жители во Србија, на возраст меѓу 20 и 29 години се околу 920.000.
Српската влада верува дека со усвојувањето на десетгодишната национална стратегија за младите би можело барем да се ублажи, ако не и да се спречи, одливот на мозоци, но во практиката има малку сигнали дека тоа би можело да даде некои позабележителни ефекти. Напротив, сé повеќе има показатели дека популацијата ќе биде сé помалубројна, а сé постара, сметаат српските социолошки експерти.
Според достапните податоци, во Србија во 2011 година во однос на 2002 година, имало 311.139 жители помалку, а проценетиот број на жители во 2012 година изнесувал 7.199.077 и во однос на претходната година се намалил за 59.676 лица.
Во Републичкиот завод за статистика проценуваат дека во 2041 година во Србија, на просекот од 6,8 милиони жители, секој четврти ќе биде повозрасен од 65 години./крај/мф/сн
Извор: РТС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.