Регион
Српскиот државен и црковен врв порача дека нема признавање на Косово
Српскиот државен и црковен врв, заедно со претставниците од Српската академија на науките и уметностите (САНУ), по состанокот во вторникот ги повика членките на УНЕСКО да го одбијат барањето на Косово за членство во оваа институција, пренесуваат српските медиуми.
Српскиот државен и црковен врв, заедно со претставниците од Српската академија на науките и уметностите (САНУ), по состанокот во вторникот ги повика членките на УНЕСКО да го одбијат барањето на Косово за членство во оваа институција, пренесуваат српските медиуми.
На состанокот било истакнато дека Србија нема да ја признае независноста на Косово и дека ќе го продолжи патот кон Европската унија (ЕУ), со одржување и унапредување на традиционално добрите односи со Русија, Кина и останатите земји.
„Сите институции и државни органи на Србија остро се спротивставуваат на приемот на Косово во УНЕСКО и ги повикаат членките на оваа организација да го одбијат барањето на Косово и земјите кои го поддржуваат ова. Српските цркви и манастири на Косово и припаѓаат на Српската православна црква и Србија, и секое одземање на ова наследство би значело недвосмислено загрозување на најзначајните религиски, културни и историски споменици на српскиот народ“, било порачано на состанокот на кој присуствуваа српскиот премиер Александар Вучиќ, претседателот Томислав Николиќ, српскиот патријарх Иринеј, како и останатите претставници од владата и од САНУ.
„Србија ќе го продолжи својот пат кон Европската унија, со одржување и унапредување на традиционално добрите односи со Русија, Кина и остантите земји. Исто така, дијалогот во Брисел помеѓу Белград и Приштина треба да продолжи, а српската Влада и нејзината делегација имаат целосна слободна, во рамките на Уставот на Република Србија, да донесат компромисни решенија, со кои на Србите и Албанците би им се овозможила подобра соработка и заеднички живот во иднина“, стои во соопштението од кабинетот на српскиот претседател Николиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.