Регион
Стефановиќ: Премиерот Вучиќ помина на полиграф
Српскиот министер за внатрешни работи, Небојша Стефановиќ во неделата соопшти дека премиерот Александар Вучиќ на сопствено барање бил сослушан и поминал на полиграф тестирањето, направено во врска со тврдењата на српскиот весник Курир дека заедно со уште неколку лица, учествувал во притисоци, уцена и изнуда на противправен исказ од поранешниот директор на весникот.
Стефановиќ навел дека исто така се појавил и нов доказ дека целата афера околу премиерот е лажна и монтирана, пренесуваат српските медиуми.
Тој прецизирал дека српскиот премиер доброволно прифатил да биде тестиран на детекторот за лаги, за да одговори на обвиненијата изнесени од страна на Курир, а според кои тој со својот брат Андреј Вучиќ, потоа уредникот на Информер, Драган Вучичевиќ и директорот на овој весник, Дамир Драгиќ се обиделе да го наговорат поранешниот директор на Курир, Александар Корниц лажно да го обвини сопственикот на Курир Александар Родиќ.
„Александар Вучиќ доброволно одговараше на прашањата и на сите прашања одговори со „не“, а детекторот на лаги покажа дека тој ја говори вистината. Вучиќ никогаш не го сретнал Корниц, не седел со него никаде, а најмалку во некоја кафана“, рекол Стефановиќ, додавајќи дека лагите очигледно имале за цел да ја дестабилизираат земјата, поради што ќе биде спроведена истрага околу тоа кој и со каква цел изнел таква информација.
Српското обвинителство во меѓувреме порачало дека во соработка со другите државни органи ќе спречи дестабилизација на земјата преку покренување на соодветна кривична постапка. Поранешниот директор на Курир, Александар Корниц, пак, отишол во полиција на сослушување, но одбил полиграф тестирање, додал српскиот министер за внатрешни работи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.