Регион
Столтенберг во посета на Црна Гора, расте поддршката за покана во Алијансата
Генералниот секретар на НАТО, Јенс Столтенберг во среда и четврток престојува во официјална посета на Црна Гора, а според властите во Подгорица, оваа посета има особено значење во контекст на претстојната одлука на Северноатланскиот сојуз за поканата до Подгорица да стане дел од Алијансата.
Генералниот секретар на НАТО, Јенс Столтенберг во среда и четврток престојува во официјална посета на Црна Гора, а според властите во Подгорица, оваа посета има особено значење во контекст на претстојната одлука на Северноатланскиот сојуз за поканата до Подгорица да стане дел од Алијансата.
Северноатланскиот совет на НАТО (НАЦ), најважното тело на Сојузот, ќе одржи и заедничка седница со највисоките црногорски претставници, пренесуваат црногорските медиуми.
„Првата посета на НАЦ на Црна Гора, која се реализира во пресрет на декемврискиот состанок на министрите за надворешни работи на земјите членки на НАТО, ќе биде прилика кога највисоките претставници на НАТО ќе се запознаат со напредокот на Црна Гора во клучните реформски области, со нагласување на владеењето на правото и јавната поддршка“, стои во соопштението од црногорската влада.
Најавено е дека Столтенберг и претставниците на НАТО ќе се сретнат и со челниците на парламентарната опозиција. Меѓутоа, од опозицискиот сојуз Демократски фронт, кој веќе 16 дена протестира пред црногорскиот Парламент, барајќи оставка од премиерот Мило Ѓукановиќ, најавиле дека нема да присуствуваат на тој состанок, и го повикале Столтенберг да им се придружи на протестот и да разговара со насобраните граѓани.
Столтенберг на седницата на Парламентарното собрание на НАТО, која пред два дена беше одржана во норвешкиот град Ставангер, рече дека Црна Гора напредувала во повеќе области, и порачал дека чувствува раст во поддршката за праќањето на покана кон оваа држава за членство во Сојузот.
„Црна Гора навистина напредуваше, кога се работи владеењето на правото, воспоставувањето на независното судство, но и кога се работи за модернизацијата на војската и разузнавачките служби“, изјави челникот на НАТО, додавајќи дека е охрабрен од напредокот. Тој сепак додаде дека нема да ја прејудицира одлуката која треба да се донесе во декември и дека би било погрешно сега да се носат заклучоци.
„Последната поддршка стигна од Белата куќа, под услов Црна Гора да продолжи со напредокот во клучните области“, порача Столтенберг./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.