Регион
Света Гора со официјално писмо против легализација на истополовите „заедници“
Претставниците на сите атонски манастири во Грција едногласно истапија против легализацијата на истополовите бракови, а по тој повод, до пратениците беше испратено итно писмо од страна на Свештениот Кинот на Света Гора Атон.
Претставниците на сите атонски манастири во Грција едногласно истапија против легализацијата на истополовите бракови, а по тој повод, до пратениците беше испратено итно писмо од страна на Свештениот Кинот на Света Гора Атон.
Обраќајќи се кон пратениците, светогорците побараа да се одложи гласањето „со цел најсоодветно да се земе во предвид волјата на целиот грчки народ“.
Во документот е искажана „вознемиреноста на Света Гора Атон поради отклонување (сега и на законско ниво) од началата и вредностите коишто го градат темелот на православниот идентитет и грчката култура“
„Како православни христијани ние искажуваме длабока почит кон личниот избор на секој човек и неговото право да пребива во Црквата или да се дистанцира од неа. Ние поаѓаме од тоа што никој нема право да ја одземе дадената од Бога човечка слобода.
Во ова време ставот којшто ги става на исто рамниште ’еднополовите парови‘ и семејствата со сите правни и социјални последици што произлегуваат од тоа (меѓу другото и посвојувањето на деца), отворено застанува против менталитетот на нашиот народ и изгледа како намерна провокација и предизвик за грчкиот народ“, се вели во писмото.
Светогорците ја молат Владата и пратениците на коишто ’грчкиот народ им ја доверил својата судбина‘, да обрнат внимание на ова писмо исполнето со немир и искрена грижа за иднината на земјата.
„Ве молиме да го тргнете од гласање овој предлог закон, особено сега во пресрет на големиот празник Рождество Христово. Можеби привременото одложување на законот ќе даде можност за негово детално разгледување и ќе му остави можност на грчкиот народ да го изрази својот став во врска со институцијата брак“, се наведува во писмото.
Претходно во 2013 година исто така поради жестокиот отпор на црквата грчкиот парламент не расправаше за предлог законот за легализација на заедницата меѓу истополни двојки. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.