Регион
Трагедија во српската војска, специјалец случајно си го уби колегата
За време на рутинска проверка на вооружувањето, припадник на Воената полиција за специјална намена „Кобра“ случајно го убил со службениот пиштол својот колега, постар водник од I класа Милан Досковиќ.
Инцидентот се случил во неделата вечерта околу 18.30 часот во касарната „Васа Чарапиќ“ во Белград, објави Војската на Србија на својата официјална страница. По завршувањето на задачата, за време на рутинската проверка на вооружувањето, дошло до испукување на пиштолот на припадникот на единицата „Кобра“ при што ранет е неговиот колега.По укажаната помош, постариот водник од I класа, за жал, им подлегнал на повредите на Военомедицинската академија во Белград.Началникот на Генералштабот на Војската на Србија формираше комисија за испитување на околностите при вонредни случувања. Министерството за внатрешни работи изврши увид по налог на Јавното обвинителство во Белград во присуство на полицијата.Министерот за одбрана, Братислав Гашиќ, и началникот на Генералштабот на Војската на Србија, генерал Љубиша Диковиќ, изразија сочувство на семејството на загинатиот, пренесуваат белградските електронски медиуми. Постариот водник I класа Милан Досковиќ е роден на 6 април 1981 година во Ужице, а на должност во Војската на Србија е од 28 јули 2001 година./крај/мф/
Извор: Blic
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти EMSC.
Земјотресот е регистриран на Крит, на 62 километри од Ираклион, на длабочина од 16 километри.
Земјотресот е регистриран во 12:37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала, по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.