Регион
Турција: Агент од пријателска земја помогнал на девојки да се приклучат на IS
Припадник ан разузнавачка служба на една пријателска земја им помогнал на три девојки од Велика Британија да побегнат од одма и да и’ се придружат на џихадистичката терористичка организација Исламска држава (IS), изјави во четвртокот турскиот министер за надворешни работи, Мевлут Чавушоглу.
Припадникот на разузнавачка служба на земја којашто учествува во коалицијата против Исламската држава предводена од САД, бил уапсен во Турција, изјавил за турските медиуми шефот на дипломатијата, Мевлут Чавушоглу.
„„Уапсен е“ рекол министерот одбивајќи да открие од која од 60-те земји од коалицијата против Исламската држава осомничениот потекнува. Изјавил, меѓутоа, дека не е од САД, ниту од некоја од европските земји. Додал дека за случајот се известени властите во Велика Британија, од каде што потекнуваат исчезнатите девојки.
Ученичките, 16-годишната Кадиза Султана, 15-годишната Шамима Бегум и Амира Абазе на 17 години, во февруари ја напуштиле Велика Британија, откако украле пари за пат, а потоа отпатувале во Турција за од таму да им се придружат на џихадистите на Исламската држава во Сирија.
Случајот предизвика шок во Велика Британија, поставувајќи го прашањето како девојките успеале да ја напуштат земјата и да заминат за Турција, и покрај острите мерки донесени против регрутирањето борци Исламската држава.
Турција подолг период е изложена на критиките од своите западни партнери дека не прави доволно на својата порозна граница кон Сирија и овозможува странски државјани да им се приклучуваат на радикалните исламски групи на боиштето.
Турските власти депортирале 1.056 странец и им забранила патувања на 7.833 државјани претежно на западни земји, како дел од напорите за спречување на регрутирањето на нови џихадистички борци на боиштата во соседните држави, изјави во јануари пред турските амбасадори, тогашниот директор на MIT, Хакан Фидан./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.