Регион
Турција го критикува Папата за „крстоносниот дух“ нарекувајќи го масакрот на Ерменците геноцид
Турскиот вицепремиер изјави во саботата дека е „неумесно“ што поглаварот на Римокатоличката црква, папата Франциск, го нарекол геноцид масакрот над Ерменците од 1915 година кои го извршило Османлиското царство, бидејќи тоа го одразува „крстоносниот дух“ на папството.
Отстапувајќи од подготвениот текст во текот на ерменската престолнина Ереван во петокот папата Франциск го употреби терминот „геноцид“ за да го опише масовното убивање во текот на Првата светска војна, една година откако ја разгневи Турција со слична изјава.
„Изјавата на папата е многу неумесна. Можно е, за жал, да се видат сите одрази и траги од крстоносниот дух во акцијата на папството и на папата“, изјави вицепремиерот Нуретин Чаникли за новинарите во црноморскиот град Гиресун.
Турција прифаќа дека многу христијански Ерменци кои живееле во Османлиското царство се убиени во судирите со османските сили во Првата светска војна,но ги оспорува тврдењата дека се убиени 1,5 милиони луѓе и протерани многу други, и негира дека убивањата биле организирани во кој случај би претставувало геноцид. Исто така, тврди дека и многу муслимански Турци биле убиени во тој период.
„Тоа не е објективна изјава и не ја одразува вистината …. и целиот свет тоа го знае, а го знаат тоа и Ерменците“, вели Чаникли во изјавата која ја пренесува весникот Hurriyet.
Досега дваесетина земји овие настани ги осудија како геноцид. Прв тоа го стори Уругвај во 1965 година, а потоа неговиот пример го следеа Кипар, Русија, Канада, Либан, Белгија, Франција, Грција, Италија и други земји, како и Европскиот парламент, Советот на Европа, Светскиот совет на црквите итн.
Германскиот парламент на 2-ри јуни со големо мнозинство ја усвоите резолуцијата во која се признава Ерменскиот геноцид. Турција реагираше со индигнација на оваа одлука и веднаш го повлече својот амбасадор во Берлин, додека претседателот Ердоган порача дека одлуката на Бундестагот сериозни ќе влијае врз турско-германските односи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.