Регион
Турција може да оди на два референдума
Предлогот на турскиот претседател Реџеп Тајип Ердоган за одржување два одделни референдума за усвојување на новиот устав и за предложеното преминување на претседателски систем, би можел да биде прифатен изјави во понеделникот премиерот Ахмет Давутоглу, додека опозициските партии жестоко се спротиставија.
Зборувајќи за телевизијата Haber, премиерот Ахмет Давутоглу најави дека следната седмица ќе ги започне преговорите со опозицијата за новиот устав и за можниот премин од сегашниот парламентарен на претседателски систем, како и дека владата ќе обезбеди мирна атмосфера за разговорите.
Во разговорот со новинарите кои ја следеа неговата посета на Туркменистан, претседателот Реџеп Тајип Ердоган изјави претходно дека доколку опозицијата се согласува со потребата од носење нов устав за што тој смета дека со големо мнозинство ќе го изгласат Турците, а не се согласува со воведувањето на претседателскиот систем, кој би му дал поголеми овластувања, тогаш е можно одржување на два одделни референдума.
„Доколку сакаме да изградиме нови систем, тој треба да биде јасен. Верувам дека никаков хибриден систем не може да донесе позитивни резултати. Мојот избор е чист и јасен, систем во кој се прецизни дистрибуцијата на овластувањата и одговорноста“, рече Давутоглу во понеделникот додавајќи дека не треба да се правата шпекулации за односот меѓу него како премиер и челник на владејачката Партија на правдата и развојот (AKP) и неговиот претходник, актуелниот шеф на државата Ердоган.
Опозициските партии студено го примија предлогот на Ердоган, нарекувајќи го „нереален“ и „уште еден маневар“ на претседателот за да ги оствари своите амбиции преку други методи.
„Предлог како на Ердоган никогаш не бил имплементиран никаде во светот“, изјави Даниш Бешташ од Народната демократска партија (HDP). Според него, уставот е целина и во него се дефинираат позициите и одговорноста на сегментите на власта, како и правата и слободите, насочувајќи дека двете прашања треба да се решаваат заедно.
„Во моментов претседателот се обидува да ѝ даде легитимитет на својата аспирација. Секојдневно смислува нови начини како да им го протне ова на граѓаните, но ние нема да го дозволиме тоа“, го цитира весникот Hurriyet Бешташ.
Генералниот секретар на Партијата на национално движење (MHP), Исмет Бујукатаман, ги коментираш изјавите на претседателот Ердоган дека сигнализираат потег за „спроведување тајна агенда“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.