Регион
Турција: Притвор за челниците на курдски градови
Турскиот суд им одреди притвор за градоначалниците на неколку градови со курдско мнозинство во југоисточниот дел од земјата кои се обвинети за уривање на националното единство и прогласување на независност на регионот, пренесуваат во неделата попладне турските медиуми.
Меѓу високите функционери во притвор до пресудата ќе бидат градоначалниците на областите на градовите Сур, Силван и Хакари, во југоисточната покраина Дијарбекир. Тие се обвинети за обид за уништување на државното единство и на целоста на земјата, и дека потпишале декларација за автономија. Датумот на започнување на процесот не е одреден.
Сите притворени градоначалници се избрани како членови на Партијата за мир и демократија и на Демократската партија на регионите (DBP), блиски на прокурдската Народна демократска партија (HDP), којашто оствари историски успех на парламентарните избори на 7-ми јуни освојувајќи 13 отсто од гласовите, така минувајќи го високиот праг за влез во турскиот парламент и истовремено оневозможувајќи ја владејачката исламско-конзервативна Партија на правдата и развојот првпат (АКР) првпат од 2002 година да не освои апсолутно мнозинство и да не може самата да формира влада. Тоа и придонесе да не може да се формира влада и Турција да се најде пред предвремени парламентарни избори.
Во многу турски заедници со курдско мнозинство челните места заедно ги заземаат по еден маж и жена, така што и меѓу притворените во неделата има неколку жени.
Во саботата турското министерство за внатрешни работи започна истрага против 93 југоисточни општини предводени од членови на Демократската партија на регионите (DBP) под обвинение за логистичка поддршка на забранетата Работничка партија на Курдистан (PKK). DBP ги има челните функции во три области на големи градови (метрополи), во 11 градови, 68 области и 23 гратчиња. Под истрага се и претставниците на оваа партија во областите на административните центри Дијарбекир, Мардин и Ван.
Локалните медиуми пишуваат дека станува збор за превентивни апсења од минатата седмица во рамките на истрагата за локалните совети за коишто се сомнева дека прогласиле независност во окрузите Силопи и Чизра, во покраината Сирна, како и дека повеќе не ги признаваат турските институции.
Од почетокот на „војната против тероризмот“ која ја покрена Турција, 56 припадници на турските безбедносни сили загинале во нападите за кои одговорноста ѝ е припишана на PKK, чии 812 припадници се убиени во операциите, според податоците на турската армија објавени во неделата. Анкара на 24-ти јули ја покрена офанзивата против PKK, и наводно против Исламската држава против која се извршени најмногу четири воздушни напади наспроти неколкуте десетици против курдските позиции во северната ирачка автономна покраина Курдистан., со што всушност дефинитивно пропадна примирјето кое беше на сила до летото 2013 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.