Регион
Турција се закани: Ако НАТО не е за воена соработка со нас, можеби е Русија
– FAH, Getty
НАТО не и пружа целосна поддршка на Анкара, а Турција е подготвена да ја земе предвид дури и воената соработка со Русија, изјави турскиот министер за надворешни работи Мавлут Чавушоглу, во интервју за Спутник.
НАТО не и пружа целосна поддршка на Анкара, а Турција е подготвена да ја земе предвид дури и воената соработка со Русија, изјави турскиот министер за надворешни работи Мавлут Чавушоглу, во интервју за Спутник.
Чавушоглу додаде дека Турција е незадоволна заради недостигот на соработка што НАТО ја искажува кон Анкара.„Кога Турција е во прашање, се чини дека НАТО членките ги избегнуваат прашањата како што се размена на технологија и заеднички инвестиции. Турција има намера да развие сопствена одбранбена индустрија и да го зајакне својот одбранбен систем“, рече Чавушоглу.„Во таа смисла, доколку на Русија тоа и е интересно, подготвени сме да ја разгледаме соработката во тој сектор“, прокоментира турскиот шеф на дипломатијата околу можната соработка со Русија.Ова е најсилната критика што турскиот министер за надворешни работи ја упати до НАТО.Претходно, во интервју за агенцијата Анадолија од пред една недела, Чавушоглу рече дека Турција и Русија ќе разгледаат воспоставување на заеднички одбранбен, разузнавачки и дипломатски механизам. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.