Регион
Турција: Славење и мобилизација на приврзаниците на Ердоган
По неуспешниот обид за воен пуч во кој загинаа вкупно 265 луѓе од двете страни, приврзаниците на турскиот претседател Реџеп Тајип Ердоган остануваат мобилизирани, а илјадници минаа во саботата ноќта на улиците од Истанбул носејќи турски знамиња и славејќи ја победата над заговорниците, додека властите уапсија речиси три илјади осомничени пучисти.
Состојбата во Турција е под контрола, откако ноќта кон петокот во Анкара и Истанбул дојде до судири меѓу побунетите војници, од една страна, и единците верни на владата и повеќе десетици граѓани кои излегоа на улиците да ги заштитат институции и власта.
Црниот биланс од судирот не е мал за десетината часови колку што траеше обидот за воен преврат – 161 загинато лице и 1.440 ранети меѓу силите лојални на претседателот Ердоган и неговите приврзаници меѓу цивилите, додека според податоците на воените власти убиени се 104 бунтовници.
Ни сигнал делка состојбата е далеку од вообичаена во Турција, е тоа што и во неделата утрото бе затворени пристапите кон воздухопловната база Инџирлик, објавија САД кои поради тоа ги запреа воздушните операции против џихадистите на Исламската држава во соседните Сирија и во Ирак. Американските воени единици во Турција добија наредба да преземат максимални мерки за соја заштита.
Вкупно 2.839 војници се уапсени во врска со неуспешниот државен удар, изјави турскиот премиер Бинали Јилдирим, кој се закани дека „кукавиците ќе ги добијат казните што ги заслужуваат. Турција, каде што се уапсени двајца од 17-те уставни судии, побара од Грција да ѝ ги предаде осумте офицери и подофицери кои пребегнаа со хеликоптер.
Турските власти обвинија дека имамот кој живе во егзил во САД, Фетулах Ѓулен, е одговорен за обидот за пуч. „Категорички ги одбивам тие обвинувања“, одврати овој поранешен голем сојузник на претседателот Ердоган, кој потоа стана негов најголем непријател за кој владата тврди дека предводи „терористичка организација“ и оти гради „паралелни структури“ во државните институции.
Во саботата навечер пред илјадниците приврзаници на азискиот – анадолскиот брег на Истанбул, претседателот Ердоган побара од САД да им го предадат на турските власти проповедникот Ѓулен. Вашингтон секогаш досега ги одбиваше таквите барања од Анкара, а во саботата ја повика турската влада да даде докази за евентуалната вмешаност на Ѓулен во организирањето на воениот преврат.
Иако официјално е објавено дека обидот за државен удар не успеал, Ердоган преку Twitter ги повика своите приврзаници и натаму да бидат „стопани на улиците, бидејќи новиот пробив на насилствата секогаш е можен“. Повеќе десетици илјади луѓе им се спротиставија на побунетите војници, а многу од нив саботата рано утрото го пречекаа на истанбулскиот аеродром Ердоган кој се врати од летувалиштето Мармарис.
Во петокот ноќта, малку пред полноќ, во соопштението на „турските вооружени сили“ беше прогласена вонредна состојба и полициски час и прекин на огнот во цела Турција, по распоредувањето на единците во Истанбул и во Анкара.Пучистите го објаснија обидот за „целосно преземање на власта“ со потребата да се „воспостават уставниот поредок, демократијата, човековите права и слободи“. Меѓу уапсените се и највисоките воени команданти, вклучително и првиот човек на Вториот корпус кој ги чува границите на земјата кон Сирија, Ирак и Иран, наведе државната агенција Anadolu./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.