Регион
Турција: Стапува на сила одлуката за отстапување на Инџирлик на САД
Турските власти во средата ја потпишале одлуката за отстапување на воздухопловната база Инџирлик на користење на силите на САД, од каде би биле изведување нападите врз позициите на џихадистичката група Исламска држава во Сирија, пренесува AFP повикувајќи се на официјален турски извор.
„Владината одлука е потпишана и Американците во иднина во секој момент може да ја користат базата Инџирлик во рамките на антиџихадистичката меѓународна коалиција“, рекол за AFP извод од министерството за надворешни работи, неколку дена откако Анкара објави дека начелно се согласува со барањето на Вашингтон за користење на базата.
Овој договор, на којшто му претходеа долготрајни преговори и подготовки, САД силно го посакуваше имајќи предвид дека американските борбени авиони „F-16“ брзо може да стасаат од оваа база до позициите на Исламската држава. Американските авиони досега полетуваа од подалечните бози, на пример во Јордан и во Кувајт.
Турција, којашто е членка на НАТО, досега не сакаше да учествува во коалицијата против Исламската дражва и беше критикувана дека замижува на активностите на радикалните исламистички групи преку нејзината територија во стравот да не зајакнат сириските Курди кои на теренот во Сирија ги потиснуваат џихадистичките борци.
Одлуката ја промени откако на 20-ти јули турски џихадист во самоубиствен бомбашки напад во јужниот пограничен град Суруч уби 32 млади курдски активисти, но според регионалните аналитичари, станува збор за договор со западните сојузници со кој Анкара ќе се концентрира на десеткување на базите на забранетата Работничка партија на Курдистан (PKK) во северен Ирак со која пред две години започна преговори за прекин на децениските крвопролевања, а која и ЕУ и САД ја ставија на своите листи со терористички организации./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.