Регион
Турција уапси двајца новинари за текст за доставување оружје во Сирија
Уредникот на весникот Cumhuriyet. Џан Дундар и дописникот Ердем Ѓул, се уапсени од турската полиција во четвртокот поради написот во кој е опишано како камиони на турската разузнавачка агенција превезувале оружје за терористи во Сирија во почетокот на 2014 година, пренесува ноќта кон петокот агенцијата Dogan.
„Обвинети сме за шпионажа. Претседателот го нарече (нашето работење) предавство. Ние не сме предавници, шпиони или херои, ние сме новинари. Она што го сторивме е новинарска активност“, изјавил Дундар пред да биде изведен на сведочење во обвинителството во четвртокот. „Секако, ова ќе му помогне на обвинителството да расветли како овие инциденти се случиле, а не како ние известувавме за тоа“, додал.Дундар и Ѓул се обвинети за вмешаност во вооружена организација и за шпионажа. Причина за нивното апсење е напис објавен ова лето, во кој се наведува како турските безбедносни сили наводно ги вооружуваат милитантите во Сирија. Според написот, бил следен транспортот на камиони со оружје кој бил организиран од турската Национална агенција за разузнавање (MIT)Под вооружена организација турското обвинителство препознава Фетулахистича терористичка организација (FETO), а терминот го користат обвинителите за да ги одредат следбениците на Фетулах Ѓулен, влијателен исламски клерик и филозоф, кој живее во егзил во САД. Ѓулен, порано близок со Ердоган, се смета за најзаслужен за политичкиот подем на актуелниот исламско-конзервативен турски претседател, но од минатата година Ѓулен и неговите следбеници се обвинети дека во Турција воспоставила „паралелна држава“ во државните, судските и безбедносните структури, откако во медиумите се појавија серија написи за корупциски скандали во кои се споменати високи функционери и семејства на владејачката Партија на правдата и развојот (AKP). Репортажата објавен во истанбулскиот дневен весник Cumhuriyet (Република) на 29-ти мај годинава, се прикажани наводни проверки на припадниците на жандармеријата и полицајци на камиони со оружје и муниција, кои во јануари 2014 година ги испратила MIT во Сирија.Турскиот претседател Реџеп Тајип Ердоган на 2-ри јуни годинава поднесе приватна кривична пријава против Дундар и весникот Cumhuriyet тврдејќи дека во сторијата има снимки и информации кои не се веродостојни и порачувајќи дека оние „кои ја напишале ќе платат висока цена“.Во тужбата се наведува дека весникот учествувал во акциите на Ѓулен со објавување фабрикувани снимки и информации кои биле доставени до него од „паралелните структури“ за да „се создаде перцепција дека Турција помага терористички организации“.Ердоган тврди дека камионите содржеле помош за Туркмените, туркофона етничка заедница која живее во Сирија, и дека новинарите биле соучесници во „саботирањето“ на таа помош, со цел да му наштетат на неговиот и на угледот на неговата партија.Претседателот бара две доживотни казни за предавство и уште 42 години затор за сите дела. Во тужбата е наведено дека написот „не соодветствува со вистината“, податоците „се фалисфикувани и добиени од паралелни структури“. Покрај тоа, Дундар е обвинет за шпионажа и откривање државни тајни./крај/мф/сн
Извор: Dogan
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.