Регион
Турција жестоко ги бомбардираше позициите на PPK, прокурдски политичар апелира на прекин на нападите
Турските борбени авиони го изведоа ноќта кон седата досега најжестокиот напад врз позициите на забранетата Работника партија на Курдистан (PKK) во северен Ирак од почетокот на воздушната кампања, а истовремено прокурдски опозициски политичар повика на итен прекин на непријателствата.
Турските авиони гаѓале шест позиции на PKK, соопшти во средата кабинетот на турскиот премиер Ахмет Давутоглу. Покрај тоа во средата соопшти дека од почетокот на операцијата против милитнати кои се осомничени за припадност на курдската бунтовничка организација, помали левичарски екстремни групи и на џихадистичката Исламска држава, се уапсени вкупно 1.302 лица во 39 покраини.
Челникот на прокурдската опозициска Народна демократска партија (HDP), Салаетин Демитраш во средата повика на итен прекина на непријателствата од двете страни. „Непријателствата мора да бидат веднаш запрени“, изјави Демитраш, повикувајќи ги двете страни на „здрав разум“.
По низата обвинувања дека замижува пред радикалните и џихадистичките сунитски групи кои се борат против шиитскиот сириски претседател Башар ал-Асад, турската исламско-конзервативна влада по самоубиствениот бомбашки напад во јужниот пограничен град Суруч во кој беа убиени 32 курдски млади активист. Меѓутоа, аналитичарите предупредуваат дека Анкара овој терористички акт за кој одговорноста паѓа врз џихадистичката Исламска држава го користи да се пресмета со курдските бунтовници со кои по децениите судири од 2013 година започна мировни преговори.
Турскиот претседател Реџеп Тајип Ердоган искана дека нема „да се повлече пред терористичката закана“, како и дека „решително“ ќе ја продолжи борбата против џихадистите и против PKK. Ердоган тврди дека не можно да се продолжи мировниот процес со PKK кој ја презема одговорноста за убиството на двајца турски полицајци, за што вели дека е одмазда за убиствата на курдските ученици и студенти.
НАТО во вторникот на итното заседание свикано по барање на Анкара, ѝ даде целосна политичка поддршка на Турција во нејзината двојната офанзива. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.