Регион
Турска екстремистичка група ја презема одговорноста на за нападот во Истанбул
Турската радикална левичарска група којашто во 2013 година ја нападна амбасадата на САД во Анкара, ја презема во петокот одговорноста за неуспешниот напад врз полициското обезбедување од четвртокот што го изврши вооружен маж пред отоманската палата Долмабахче во Истанбул во близина на резиденцијата на турскиот премиер и недалеку од администрацијата на турскиот претседател.
Револуционерната партија/Фронт за ослободување на народот (DHKP-C) објави дека извршителот на неуспешниот напад кого полицијата веднаш го приведе е „нејзин борец“.
Мажот идентификуван како Фират Озчелик во четвртокот попладнето врз полициското обезбедување пред палатата Долмабахче две рачни гранати кои не експлодирале, а се обидел и да купа од пиштол. Осомничениот веднаш е приведен од безбедносните органи кои во петокот го сослушале, пишуваат турските медиуми.
Групата DHKP-C во своето соопштение појаснува дека нападот е одмазда за исламската конзервативна влада за смртта на младиот Беркин Елван кој бил до смрт претепан од полицијата во текот на антивладините протести во јуни 2013 година. „Тој масакр на го нареди тогашниот премиер Реџеп Тајип Ердоган“, напиша ова марксистичко движење и ја обвини владејачката Партија на правдата и развојот (AKP) дека е „убиец“. Ердоган по 12 години на премиерската функција, во август 2014 година беше избран за претседател на Турција на првите избори на кои директно гласачите избираа шеф на државата.
Последните години DHKP-C изведе низа напади врз владини објекти. Во февруари 2013 година ја презема одговорноста за самоубиствениот бомбашки напад врз амбасадата на САД во Анкара во кој загина припадник на обезбедувањето, турски државјанин./крај/мф/сн
Извор: Hurriyet
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.