Регион
Турската авијација првпат ги нападна џихадистите
Турското воено воздухопловство извело во петокот ноќта воздушни удари на територијата на соседна Сирија врз позициите на џихадистичката група Исламска држава, први во рамките на коалицијата којашто веќе цела година ја предводат САД, објави во саботата турското министерство за надворешни работи.
„Нашите ловци во петокот ноќта започнаа да изведуваат заеднички операции со авионите на коалицијата врз цели на Исламската држава, којашто претставува опасност и за безбедноста на нашата земја“, се истакнува во соопштението.
Сунитска Турција долго време беше обвинувана од своите сојузници дека е наклонета на Исламската држава во заедничката цел да го собори од власт салвитскиот (шиитски) сириски претседател Башар ал-Асад, како и дека замижува на преминувањето преку нејзината територија на оружје и борци за џихадистите.
Анкара кон крајот на јули ја започна „војната против тероризмот“ насочена против забранетата Работничка партија на Курдистан (PKK) на турска територија и во северната автономна ирачка покраина Курдистан, поради што беше обвинета од Курдите дека всушност ѝ помага на Исламската држава против којашто нејзините борци имаа успеси на теренот.
Турција и САД конечно на 24-ти август ги договорија начините на кои ќе ја остваруваат воената и техничката соработка против џихадистите.
Пресвртница во односот на Анкара беше атентатот во пограничниот град Суруч од 20-ти јули кога турски џихадист припадник на Исламската држава уби 33 млади курдски активисти, а во истата област беа убиени двајца турски полицајци за што одговорноста падна врз PKK.
„Борбата против терористичките организации е приоритет за безбедноста на Турција. Таа борба решително ќе биде продолжена“, нагласи во соопштението турското министерство.
Опозицијата во земјата и други земји често ја обвинуваат турската исламско-кознервативна влада за пасивноста кон џихадистите на Исламската држава. Турција првиот напад, за кој инаку немаше потврда, го извела во јули врз позиции на џихадистите, а потоа им дозволи на САД за таа намена да ја користат нејзината воздухопловна база Инџирлик./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.