Регион
Турската опозиција го обвинува Ердоган дека сака да изведе ‘цивилен пуч’
Челникот на главната опозициска партија во Турција го обвини во неделата претседателот Реџеп Тајип Ердоган дека подготвува „цивилен државен удар“, по неуспешните преговори за формирање коалициска влада што создаде услови за распишување предвремени парламентарни избори.
„Соочени сме со цивилен државен удар“, изјави лидерот на најголемата опозициска партија Републиканската народна партија (социјалдемократи – CHP), Кемал Киличдароглу, алудирајќи на трите воени државни удара во бурната турска историја, од 1960, во 1971 и во 1980 година.
„Во Турција во овој момент не се почитува ниеден закон, демократијата е суспендирана, како и уставот“, додаде на Киличдароглу на прес-конференцијата во партиското седиште во Анкара, пренесува телевизиски.
Републиканската народна партија (CHP) смета дека претседателот Реџеп Тајип Ердоган намерно ги поткопал коалициските преговори за да се оди на предвремен избори, надевајќи се дека ќе оствари подобар резултат од оној на 7-ми јуни годинава кога неговата Партија на правдата и развојот (AKP) првпат од 2002 година не успеа да освои апсолутно мнозинство и самата да состави влада.
Ердоган претходно седмицава ги распиша предвремените парламентарни избор за 1-ви ноември.
Турските социјалдемократи тврдат дека биле подготвени на коалиција со владејачката АКР, под услов во земјата да бидат спроведени три големи промени, и тоа во областа на надворешната политика, која „доживеа свртување за 180 степени“, во економијата која има „големи проблеми“, и во образовниот систем „со кој не е задоволен ниеден родител“.
Од CHP, исто така, го обвинуваат Ердоган дека го прекршил уставот ускратувајќи има ја можноста да формираат коалициска влада, па и со другите две опозицски партии. Ердоган тоа не го признава, и притоа одбива да се сретне со Киличдароглу.
„Од 7-ми јуни, не го прекршивме ниту уставот, ниту важечките закони и нацијата е сведок за тоа“, изјави во неделата турскиот премиер Ахмет Давутоглу, кој откако Ердоган стана претседател го замени и на премиерската и на челната позиција во АКР./крај/мф/сн
Извор: Hurriyet
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.