Регион
Турската полиција уапси директор и главен уредник на весникот Cumhuriyet
Турската полиција ги уапсила во понеделникот директорот на управата на независниот дневен весник Cumhuriyet, објави новинската агенција Anadolu, додавајќи дека се уапсени и главниот уредник и еден колумнист, како и дека се издавени уште 13 налози за апсења.
Станува збор за истрага поврзана со неуспешниот обид за воен преврат од средината на јули во Турција, меѓутоа ниту агенцијата Anadolu ниту весникот Cumhuriyet не ја наведуваат точната причина за апсењата. Весникот на својата интернет страница наведе само дека главниот уредник Мурат Сабунчу и колумнистот на весникот Гурај Оз се уапсени, по полициски упад во нивните домови.
Канцеларијата на државниот обвинител, пак, објави дека станува збор за поврзаност со курдските милитанти и терористичката организација, односно движењето Хизмет на следбениците на исламистичкиот проповедник Фетулах Ѓулен, кој од 1999 година живее во доброволен егзил во САД.
Обвинителството дека истрагата којашто се води против неколку луѓе од овој весникот е покрената уште во август, под обвиненија дека некои од написите во весникот го легитимирале покренувањето на пропаднатиот обид за воен удар од ноќта на 15-ти јули.
Истанбулскиот Cumhuriyet, весник со лева ориентација, секуларно насочен, се истакнува со критиките кон владејачката исламско конзервативна Партија на правдата и развојот (AKP). Весникот оваа година ја доби Right Livelihood Award, којашто некои ја споредуваат со Нобелова награда.
Неговиот поранешен главен уредник Чан Дундар, кој сега живее во Германија, претходно годинава е осуден на пет години затвор поради објавување информации за турскот испорачување оружје за сириски исламистички бунтовници. Осуден беше заедно дописниот на весникот од Анкара, Ердем Ѓул.
Турскиот претседател Реџеп Тајип Ердоган повеќепати вербално го осудуваше начинот на пишувањето на Дундар.
Во Турција уште е на сила вонредната состојба по неуспешниот пуч во јули годинава, кој се обиде да го изведе фракција во армијата, по што беа затворени или ставени под контрола се медиуми кои се доведуваат во поврзаност компании на движењето на Ѓулен./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.