Регион
Турскиот премиер не ја исклучува можноста Русија да ја користи базата Инџирлик
Турскиот премиер Бинали Јилдирим изјави дека Русија досега не побарала да ја користи воздухопловната база Инџирлик во јужниот дел на земјата, но доколку тоа е неопходно оваа база може да биде користена од руските авиони за дејствување во соседната Сирија, пренесува агенцијата Anadolu.
Во одговорот на прашањето на еден од новинарите, во контекстот на користењето на руските стратешки бомбардери на иранската воздухопловна база Хамадан за дејствување врз позициите на милитантите во Сирија, турскиот премиер Бинали Јилдирим одговори дека Москва не побарала досега да ја користи воздухопловната база Инџирлик во јужна Турција. „Таа информација не е веродостојна, но, сепак, доколку е потребно, базата Инџирлик може да биде користена“ од руските авиони, одговорил Јилдирим.
Истакнал дека смета оти не е потребно користењето на базата Инџирлик од страна на руските воздухопловни сили за нападите врз терористичките групи во Сирија.
„Турција ја отвори базата Инџирлик за борба против терористите од Исламската држава. Неа ја користат САД и Катар. Другите земји може да изразат желба да ја користат воздухопловната база, од каде што сега дејствуваат, исто така, и Германците. Што се однесува до Русија, такво барање нема. Сметам дека и нема потреба за тоа. Бидејќи имаат две бази во Сирија. Разликата во растојанието е помала од 100 до 150 километри. Оттаму, таквите извештаи не се веродостојни“, појаснил Јилдирим.
Стратешки важната воздухопловна база Инџирлик во моментов ја користат воздухопловните сили на Турција и на САД, според Договорот за воена и економска соработка меѓу двете земји, кој беше постигнат по доли и тешки преговори меѓу Анкара и Вашингтон, во прв ред поради американската поддршка за сириските Курди, кои Турција ги смета за блиски на забранетата Работничка партија на Курдистан (PKK) против која турските од минатата година безбедносни сили водат големи операции во југоисточна Турција.
Во базата се стационирани авиони од голем број земји од меѓународната коалиција предводена од САД кои учествуваат во воздушните операции против Исламската држава во Ирак и во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.