Регион
Турските власти не сакаат верените да се среќаваат јавно и да се држат за раце
Верените лица може да разговараат за да се запознаат, но мора да го избегнуваат држењето за раце и, пред сé, флертувањето во јавноста, препорача во понеделникот турската управа за верски прашања.
„Нема лошо во тоа верените да се среќаваат и да се запознаваат, но само доколку тоа не е во јавноста“, даде поука највисоката турска исламска институција Дијанетот, како одговор на прашањето за средбата на верените пред да ги разменат прстените.
„Но верените мора да се воздржат од флерт, заеднички живот, изолирање насамо што би можело да предизвика оговарања, држење за рака и секое друго однесување коешто исламот не го одобрува“, се додава во предупредувањето кое е објавено на официјалната интернет страница.
Директоратот за верски прашања, или Дијанетот, е воспоставен во 1924 година, една година по основањето на секуларната Република Турција на урнатините од Османлиското царство. Според уставот, Дијанетот треба населението да го упатува во верските прашања.
Мегалополисот Истанбул ги усвои западните обичаи, меѓутоа мнозинството од турското население, главно сунитски муслимани, се изразено конзервативни. Така, на пример, во централна Анадолија сексуален однос пред бракот е табу тема.
Турскиот исламско-кознервативен претседател Реџеп Тајип Ердоган често го обвинуваат дека ја исламизирал земјата, а особено се критикуваат како сексистички неговите изјави за жените./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.