Регион
Уапсен најбараниот и најопасен бегалец во Грција
Поранешниот член на вооружениот огранок на грчката крајна левица, Христодулос Кирос, кој најавуваше продолжување на својата вооружена борба, уапсен е во саботата во близина на главниот град Атина, по една година бегство откако не се врати на дослужување на доживотната затворска казна.
Еден од лидерите на терористичката организација „17-ти Ноември“, осуден на шест доживотни казни и 25 години тешка робија за учество во 33 терористички напади и шест убиства, сега 56-годишниот Христодулос Кирос, бил уапсен рано попладнето во куќа во областа Анависос, во југоисточниот регион на регионот Атика. При апсењето од страна на припадниците на антитерористичките единици на грчката полиција, Ксирос не давал отпор, дознава телевизијата Skai.
Ксирос се смета за главен извршител на „17-ти ноември“, која беше распуштена во 2002 година, и којашто ја презема одговорноста за вкупно 23 убиства извршени во периодот од 1975 до 2000 година, а особено убиството на шефот на канцеларијата на американската CIA во Атина, Ричард Велч, од вкупно пет жртви на американското дипломатско претставништво. Во 1997 година организацијата „17-ти Ноември“ беше ставена на листата терористички групи на САД, а по бегството на Кирос, американскиот Стејт департмент инсистираше Атина да го пронајде и да го врати терористот во затвор., На 9-ти јануари 2014 година Кирос не се врати во добро чуваниот атински затвор Коридалос откако беше пуштен на отсуство во текот на божикните празници, а грчките власти објавија награда од милиони евра за информации коишто ќе придонесат за негово пронаоѓање и апсење.
Неколку дена по бегството, на 20-ти јануари минатата година, Кирос објави видео порака во којашто се закануваше со нови терористички напади, меѓу кои и врз политичари, новинари и деловни луѓе. Грчките безбедносни експерти тогаш изброија 250 негови потенцијални цели.
Поради заканите од терористички напади во Атина, којашто тогаш беше домаќин на церемонијата на преземање на шестмесечното претседавање со ЕУ, беа воведени вонредни безбедносни мерки, какво што претходно имаше само во текот на одржувањето на Летните олимписки игри во 2004 година. Во мај 2014 година, Кирос се обиде да ја крене во воздух полициската станица во градот Итеа, во централна Грција, но бомбата беше навреме деактивирана./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.