Регион
Убиецот на рускиот амбасадор осум пати го обезбедувал Ердоган
Младиот турски полицаец кој го уби рускиот амбасадор во Анката Андреј Карлов во понеделниот вечерта, осум пати бил ангажиран во обезбедувањето на турскиот претседател Реџеп Тајип Ердоган од јули, пишуваат во средата медиумите, ден пред погребот на амбасадорот и комеморацијата на којашто ќе присуствува и рускиот претседател Владимир Путин.
Дваесет и двегодишниот полицаец Мевлут Мерт Алтинташ пред камерите во понеделникот вечерта на отворање на изложба на фотографии во музеј во турската престолнина Анкара, го уби рускиот амбасадор Андреј Карлов извикувајќи исламистички пароли и одмазда за падот на сирискиот град Алепо во рацете на тамошните владини сили кои се сојузници на Русија. Потоа откако безуспешно беше убедуван да се предаде, Алтитнатш беше убиени од колегите полицајци.
Дневниот весник Hurriyet во средата пишува дека полицаецот Алтинташ, кој служел во Анкара во интервентните полициски сили последните две ипол години, бил припадник на безбедносна единица која го следела турскиот претседател Реџеп Тајип Ердоган во осум наврати по неуспешниот обид за воен удар од ноќта на 15-ти јули годинава.
„Беше припадник на групата која се грижеше за безбедноста на претседателот, веднаш зад телохранителите“, пишува Андулкадир Селви, кого го сметаат за новинар близок на високите кругови на турските власти.
И покрај тоа што откако убиецот истрела неколку куршуми во амбасадорот извика „Алаху акбар“ (Господ е голем), и оти тоа е одмазда за Алепо, шефот на турската дипломатија Мевлут Чавушоглу му кажал на американскиот колега Џон Кери дека Анкара и Москва знаат дека зад атентатот стои мрежата на имамот Фетулах Ѓулен, кого САД одбиваат да ѝ го предадат на Турција која го обвинува за неуспешниот јулски пуч. Ѓулен, кој негира дека е вмешан во обидот за државен удар, исто така, во вторникот изрази жалење за убиството на рускиот амбасадор.
Турција и Русија формираа заедничка комисија за истрага на убиството на дипломатот, убиен со неколку куршуми од зад грб. Рускиот дел од тимот го сочинуваат 18 иследници, разузнавачи и полицајци, кои во вторникот утрото пристигнаа во Анкара за да учествуваат во истрагата.,
Во средата е објавено и дека рускиот претседател Владимир Путин ја одложува традиционалната голема прес-конференција и оти во четвртокот ќе присуствува на комеморацијата во чест на амбасадорот Карлов. Исто така, ќе биде одржан и верски обред во црквата „Христот Спасителот“ во Москва.
Портпаролот на Кремљ, Дмитриј Песков, потврди дека Путин одлучил да ја одложи прес-конференцијата и да ја презакаже за во петок, за да може да учествува на комеморацијата.
Од Кремљ во средата, исто така, соопштија дека е прерано да се заклучи кој стои зад убиството на рускиот амбасадор во Турција, откако Анкара директно го обвини имамот Фетулах Ѓулен. Истовремено долниот дом на рускиот парламент повика на јакнење на безбедносните мерки за руските дипломати во странство по убиството на амбасадорот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба.
Таму беа и неколку припадници на интервентната полиција.
Откако пееја „О Хрватска, о Хрватска, независна држава“ и скандираа „За татковината, спремни“, тие го напуштија местото на настанот.
Полицијата не интервенираше веднаш, а групата се оддалечи сама, пренесуваат хрватските медиуми.
Интервентната полиција запрела дел од групата, ги легитимирала, а потоа ги пуштила.
фото: принтскрин
Регион
Во Словенија од денеска границите ќе ги чува и војската
Припадници на словенечката војска од денес ќе учествуваат во чувањето на државната граница заедно со полицијата, откако владата еден ден претходно го активираше членот 37 од Законот за одбрана, што го дозволува ова, јавува словенечката агенција СТА. На овој начин, тие ќе и олеснат на полицијата за да можат да извршуваат задачи поврзани со управувањето со безбедносната состојба, особено во југоисточниот дел на Словенија.
Членот 37 од Законот за одбрана предвидува дека словенечките вооружени сили можат да соработуваат со полицијата во пошироката заштита на државната граница во рамките на националната територија во согласност со плановите и по претходна одлука на владата. Припадниците на словенечките вооружени сили немаат полициски овластувања при извршување на овие задачи.
Владата одлучи да го активира членот на вчерашната седница со оглед на безбедносната состојба во југоисточна Словенија, истакнува СТА. Како што изјави премиерот Роберт Голоб по седницата, полицијата може да ги повика припадниците на словенечките вооружени сили да помогнат во многу ограничен опсег на задачи на границата. На овој начин, армијата ќе им олесни на полициските единици од југоисточна Словенија.
фото: принтскрин
Регион
Хорор во Лесковац: се скарал со соседката, па ја удрил со лопата по главата и стомакот, лекарите се борат за нејзиниот живот
Денеска, во селото Губеревац во близина на Лесковац во Србија се случи обид за убиство. По расправија, 69-годишниот Ц.Ј. ја нападнал својата 61-годишна соседка со лопата, нанесувајќи и повреди опасни по живот. Напаѓачот е уапсен, а Вишото јавно обвинителство во Лесковац му одредило притвор поради сомнение за обид за убиство, објавува српски Блиц.
Според првичните информации, вербалниот конфликт меѓу соседите ескалирал во физички напад. Се сомнева дека Ц.Ј. во еден момент зграпчил лопата и ја удрил жената по главата и стомакот со металниот дел. Жената е итно пренесена во Клиничкиот болнички центар во Ниш, каде што лекарите се борат за нејзиниот живот.
„Жената се здобила со повреди во форма на фрактура на темпорална коска и хематом во пределот на абдоменот, поради што е примена на лекување во Клиничкиот болнички центар во Ниш. Истрагата ја спроведе јавниот обвинител на Вишото јавно обвинителство во Лесковац“, изјавил извор за Блиц.

