Регион
Унгарија ја доврши оградата на границата со Србија
Унгарија го доврши поставувањето на оградата од бодликава жица која треба да го спречи неконтролираното влегување на илјадници мигранти кои продираат во оваа земја од Србија, соопшти во саботата навечер унгарското министерство за одбрана.
„Два дена пред истекот на рокот на 31-ви август, завршен е првиот дел од оградата на границата“, се истакнува во соопштението.
Сепак, оградата од три редови бодликава жица поставени еден на друг долга 175 километри по должината на границата со Србија не ги спречува бегалците да ја пробијат, извести во својата репортажа AFP овие денови.
Оградата метри ќе биде дополнета со дрвена бариера висока четири метри, која веќе започна да ја подигнува унгарската војска, се додава во соопштението на министерството за одбрана.
Инаку за целосно да се заврши овој проект на премиерот Виктор Орбан, а потврден со големо мнозинство во унгарскиот парламент на 6-ти јуни, ќе бидат потребни уште неколку месеци.
На поставувањето на оградите против бегалците, какови што Грција, Бугарија и Шпанија веќе имаат на надворешните граници на Европската унија, се спротиставува Србија, којашто претендира да влезе во ЕУ. Меѓутоа, граничните премини кон неа за бегалците ќе останат отворени од унгарска страна, а ќе бидат одредени неколку премини кои ќе служат токму за таа намена.
Унгарија последните две седмици стана една од главните транзитни земји од ЕУ за бегалците и мигрантите кои сакаат да дојдат до Австрија и Унгарија. Повеќето од нив доаѓаат од Ирак, Авганистан, Сирија и од Косово.
Околу 140.000 луѓе, од кои најголем дел бегаат од воените зони на Блискиот исток, се сослушани од полицијата на споменатата јужна унгарска граница од почетокот на 2015 година, и 10.000 само во текот на оваа седмица.
Во моментов од унгарската страна на границата со Србија се распоредени илјада припадници на пограничната полиција, а уште две илјади ќе бидат оперативни од 1-ви септември, објави во саботата владата во Будимпешта./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.