Регион
Унгарија ќе преговара со Македонија и Бугарија за сопирање на мигрантите
Унгарскиот министер за внатрешни работи, Петер Сијарто во интервју за Reuters изјави дека властите во Будимпешта се подготвени веднаш да подигнат ограда на границата со Романија, ако следните денови мигрантите ја променат насоката и наместо во Хрватска минуваат низ Романија.
Тој нагласува дека јужните граници на Европската унија продолжуваат да бидат широко отворени за непрекинат прилив на стотици илјади мигранти од Блискиот исток и Африка што го доведува во прашање Шенген системот односно постоењето на отворени внатрешни граници во ЕУ.Според него, потребни би биле десетици илјади полицајци и војници во составот на заедничките европски сили да го запрат приливот на мигранти на долгата поморска граница на Грција.„Да не е трагично, би се насмеал кога ги слушам европските функционери како велат дека стотици припадници на Фронтекс би биле решение“ истакнува Сијарто.„Доколку Грција не е подготвена да преземе улога за ова решение, тогаш ние мораме да разговараме со Бугарите и Македонците“, порача шефот на унгарската дипломатија.Тој нагласува дека Унгарија е подготвена уште наредниот ден да подигне ограда на границата со Романија, доколку тоа биде потребно.Австрија во петокот соопшти дека ќе забрани влез за мигрантите кои од таа држава планираат да одат во Германија, што ја поттикна Словенија на сличен потег, за да не стане тесно грло за бегалците. Поради ова, Романија би можела да стане популарна рута, од каде мигрантите веројатно би се обиделе да влезат во Унгарија на својот пат кон Европа, наведува британската агенција.„Најверојатно е дека јужната граница на Шенген зоната ќе биде изедначена со северната граница на Грција, со Бугарија и Македонија“, додава Сијарто.Сличен став изнесе во вторникот и чешкиот премиер Бохуслав Саботка кој рече дека ЕУ треба да има подготвено резервен систем на контрола на границите во случај миграцијата да не може да се контролира во Турција и Бугарија.Медиумите во средата утрото јавуваат дека е затворена за премин неутралната зона меѓу Грција и Македонија во реонот на граничниот премин Идомени повикувајќи се на радио Атина.Преку оваа неутрална зона преминуваат бегалци од Ирак, Авганистан и Сирија кон Македонија и натаму кон Западна Европа.Според полицијата, на бензинската станица во областа каде што се собираат автобусите со бегалци, веќе има седум автобуси со 350 луѓе./крај/мф/ффс
Извор: BGNES, RTS,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.