Регион
Унгарија: Оградата кон Србија ќе остане сè додека тоа е неопходно
Соработката меѓу Белград и Будимпешта околу бегалската криза може на другите да им послужи како пример, изјавил унгарскиот министер за правда, Ласло Трочањи, при тоа додавајќи дека оградата која Унгарија ја постави долж границата со Србија ќе остане таму сè додека тоа е неопходно.
Соработката меѓу Белград и Будимпешта околу бегалската криза може на другите да им послужи како пример, изјавил унгарскиот министер за правда, Ласло Трочањи, при тоа додавајќи дека оградата која Унгарија ја постави долж границата со Србија ќе остане таму сè додека тоа е неопходно.
„Оградата нема да ја реши мигрантската криза, но таа е неопходна за да се испочитуваат шенгенските правила и за да се заштитат границите на ЕУ. Истата цел ја има и измената на сетот закони кои на предлог на владата беа усвоени од страна на парламентот“, рекол Трочањи во интервју за „Вечерње новости“.
Тој додал дека тоа биле ефикасни мерки, бидејќи во Будимпешта се надевале дека бројот на илегални мигранти ќе се намали за една шестина или можеби и за една седмина, но нивниот број бил уште помал. Запрашан за тоа дали Унгарија има право на територијата на Србија да врати државјани од трети земји, тој одговорил позитивно, односно дека „Унгарија има право, и дека веќе имало такви примери“.
Унгарскиот министер истакнал дека мигрантската криза јасно покажаа дека е неопходен јасен европски пристап и го повторил одлучниот став на унгарската влада дека иднината на Европската унија (ЕУ) е незамислива без членството на Србија.
На констатацијата дека Хрватска не била задоволна од тоа како Србија и Унгарија постапиле со мигрантската криза, тој рекол дека тоа е сложено прашање.
„Како прво, гледано од историски аспект, унгарско-хрватските односи се традиционално добри, секако пријателски. Како второ, треба да бидеме свесни дека во Хрватска се ближат избори“, рекол Унгарецот, додавајќи дека „Загреб изгледа не знае што да прави со предизвиците кои со себе ги носи мигрантската криза и тоа сигурно создава некои фрустрации за кои смета дека ќе ослободи, доколку својата реторика ја насочи против другите, како на пример против Унгарија“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.