Регион
Венчавката на ќерката на Ердоган со големи безбедносни мерки
Венчавката на ќерката на турскиот претседател Реџеп Тајип Ердоган, Сумије, и на нејзиниот избраник инженерот во одбранбената индустрија Селџук Бајрактар е прославена во саботата во Истанбул под строги безбедносни мерки.
Околу 6.000 гости се повикани на венчавката во Центарот Јахја Кемал Бејатли во Центарот за сценски уметности во истанбулскиот кварт Кучукчекмече, на европскиот дел од Истанбул, пренесуваат турските медиум, кои објавија фотографија на 30-годишната Сумије Едроган, со коса прекриена со исламски зар, како седи во автомобилот предвиден за невестата.
Претседателот Ердоган и неговата сопруга имаат два сина, Бурак, кој ретко се објавува во јавноста, и Билал за кого се врзуваат некои финансиски афери, и две ќерки – Есра и Сумије.
Кум на венчавката на претседателовата ќерка ќе биде премиерот на заминување Ахмет Давутоглу, додека началникот на Генералштабот на турската армија, генералот Хулуси Акар, ќе биде кум на младоженецот, кој е сини на индустријалец и е инженер во воената индустрија.
Интересно е што Давутоглу минатата седмица, по разијдувањата со Ердоган, најави повлекување од премиерската должност и од челната позиција во владејачката Партија на правото и развојот (AKP). Неговото присуство на венчавката, се чини, е насочено кон негирањето на шпекулациите за сериозното недоразбирање со Ердоган, Владејачката партија на 22-ри мај треба да одржи конвенција на која ќе се одлучува кој ќе го замени Давутоглу на местото премиер и челник на партијата.
На церемонијата присуствува и поранешниот претседател Абдулах Ѓул, како и некои странски челници, меѓу кои се споменуваат од Катар и Пакистан.
Повеќе важни сообраќајница во Истанбул по повод венчавката, а поставени се и многубројни препреки во поширокиот круг околу центарот Кучукчекмече, во кое се одвиваше венчавката.
Сумије Ердоган дипломирала на London School of Economics, беше советник на владејачката партија за надворешна политика во времето кога нејзиниот татко беше премиер и според статутот на партијата нејзин челник, но го напушти тоа место откако Ердоган во 2014 година стана шеф на државата. Сега е потпретседателка на происламско здружение за заштита на правата на жените, Здружение за жени и демократија,
Селџук Бајрактар студирал на Техничкиот универзитет во Истанбул, како и на Универзитетот Пенсилванија во Масачусетс, а докторирал на Технолошкиот институт Џорџија во САД. Задолжен е за технологија во семејната компанија „Baykar Makina“, којашто произведува дронови и учествува во повеќе проекти за развој на одбранбените системи на Турција./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.
Регион
Четврти ден од потрагата по двегодишната Данка, родителите во фокусот на полицијата
Четврти ден од потрагата по малата Данка, двегодишното девојче кое исчезна во вторникот околу 13 часот и 45 минути во приградската населба Бањско Поле, во близина на градот Бор, во Србија. Мајката раскажала како Данка исчезнала од дворот на семејната куќа додека одела да му даде вода на постарото дете. Родителите биле сослушани во полиција, а на мајката и бил одземен мобилниот телефон.
Полицијата завчера околу 17:30 часот го прекина претресот на теренот.
„Сите досегашни резултати укажуваат дека девојчето не е на овој простор од околу 10 квадратни километри“, соопшти полицијата.
Родителите на Данка вчера цел ден биле во полиција на распит. Полицијата ги разделила и спиеле во различни куќи. Багери, полицајци и пожарникари пристигнаа околу куќата каде исчезна девојчето, сечеа дрвја околу куќата и го исчистија просторот и копаа. Досега полицијата сослушала повеќе од 50 лица.
Синоќа се појави вест дека тројца мажи се уапсени во Босна и Херцеговина. Според медиумите, тие на Тикток објавиле дека имаат информации за исчезнувањето на Данка и барале пари во замена за оваа информација. Министерството за внатрешни работи на Србија соопшти дека еден од нив рекол дека Данка е во неговиот подрум. Како што се дознава, тие на распитот рекле дека само се шегувале.
Зошто полицијата е фокусирана на родителите?
Јавноста беше заинтригирана од фактот што полицијата толку многу се фокусираше на сослушувањето на родителите на Данка. Така Милош и Ивана Илиќ, родителите на Данка, вчера речиси цел ден и ноќ го поминаа во полициска станица на информативен разговор.
„Првиот дел од потрагата покажа дека немало ад хок исчезнување на девојчето. Вториот дел од потрагата сега е фокусиран и е многу посериозен во однос на собирање податоци за тоа кој би можел да биде мотивот зад исчезнувањето“, рече за српски Блиц, Братислав Тимотијевиќ, пензиониран инспектор на криминалистичката полиција во Ниш.
Затоа полицијата сега детално ги проверува сите околности на пријавата на мајката за исчезнувањето на Данка, се што се случило помеѓу времето на исчезнувањето на Данка Илиќ и доаѓањето на првите полициски патроли, како и сето она што тие патроли пронашле при пристигнувањето во Бањско поле.
Познавачите напоменуваат дека тоа што полицијата ја проверува изјавата на мајката, дека нејзиниот мобилен е испратен на анализа и дека таа и нејзиниот сопруг двапати биле интервјуирани во полиција, не значи дека некој од нив или некој во потесното семејството е осомничен или обвинето за било што. Деталните проверки на членовите на потесното семејство се вообичаени во такви случаи и може да доведат до постоење на поединечни лица.
„Мора уште еднаш да се провери сè за да се увериме дека навистина нема траги дека девојчето некаде исчезнало и дека е веројатно во тој дел. Сите прашања се отворени, сите можности се во фокусот, секој детал мора да се истражи. Ништо не може да се остави настрана или лесно да се прифати“, вели Тимотијевиќ.