Регион
ВН: Црногорските власти се откажаа од обвинувањата за тероризам против 17 српски државјани
Црногорското Специјално државно обвинителство се откажа од обвинувањата за тероризам против 17 од 20 осомничени српски државјани, кои во земјата беа уапсени на 16-ти октомври, пишуваат Вечерње новости.
Лицата беа осомничени дека на изборниот ден планирале упад во зградата на државниот парламент и апсење на премиерот Мило Ѓукановиќ. Според сознанијата на Новости, тројца од нив се товарат за создавање на криминална организација, додека Братислав Дикиќ, поранешен шеф на српската жандармерија, Кристина Христиќ и Александар Синѓелиќ, кој се наоѓа во бегство, се сомничат за тероризам.
Спектакуларната акција на апсењата на невооружени српски државјани на денот на одржувањето на парламентанрите избори во Црна Гора ги крена на нозе сите државни служби, власти но и опозиција. Додека првите укажуваат на „црното сценарио“ кое требаше да ја втурне Црна Гора во хаос и жртви, опозицијата од самиот почеток се сомневаше во „трик на владејачката ДПС на денот на изборите“.
Црногорскиот министер за внатрешни работи Горан Даниловиќ соопштил дека транскриптот на снимените разговори помеѓу Дикиќ и Синѓелиќ, објавен потоа во медиумите, бил „наместен“.
„Тоа би значело дека Дикиќ е во Црна Гора, а Синѓелиќ во Србија. Потсетувам дека Дикиќ беше уапсен утрото на денот на изборите, по неговото пристигнување во Црна Гора. Тоа би значело дека пет дена пред тој да дојде, веќе бил во Црна Гора. Јас сигурно знам, а знаат и специјалниот и врховниот државен обвинител, како и премиерот, дека таа комуникација не постоела“, рекол Даниловиќ.
Наводниот план на „терористите“ бил за време на прогласувањето на резултатите на од парламентарните избори, со употреба на оружје да ги нападнат насобраните граѓаните пред Собранието на Црна Гора и службениците на Управата на полицијата, а потоа да ги заземат просториите на парламентот, со намера да прогласат изборна победа на одредени политички партии и да го уапсат премиерот Ѓукановиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024