Регион
Во Атина претепан клучниот сведок за аферата Siemens
Во грчката престолнина Атина е претепан клучниот сведок во големиот случај на корупција во грчката филијала на германската компанија Siemens, поранешната секретарка на генералниот директор на филијалата Михалис Христофоракос, јави атинското радио во саботата.
Судската разврска на случајот Siemens започна на почетокот од март. На обвинителната клупа ќе седнат вкупно 64 лица, меѓу кои и Михалис Христофоракис, која повеќе години се крие во Германија. Берлин одбива да го екстрадира и покрај неколкуте европски налози за негово апсење.
„Нападот се одиграл во средата вечерта. Поранешната секретарка била брутално претепана од непознат маж, кога излегла од својот дом да фрли ѓубре“, се вели во извештајот на радиото. Жената чие име не се открива, е ставена под програмата за заштита на сведоци, и за нејзината безбедност биле ангажирани двајца полицајци, кои дежурале пред нејзиниот дом во утринските и во вечерните часови „Последните неколку седмици, во рамките на намалувањето на полициското обезбедување на приватни лица, бил отповикан еден од полицајците кои давале дежурство во вечерните часови. Полицијата истражува кој го нападнал сведокот, и дали тоа е поврзано со скандалот со Siemens“, се вели во полициското соопштение.
Случајот на поткупување на функционери од страна на атинското претставништво на Siemens, е еден од најголемите корупциски скандали во Грција. Според истрагата, компанијата во текот на подготовките на летните Олимписки игри во Атина во 2004 година поткупувала функционери за непречено да добива големи државни договори во износ од 1,3 милијарди евра. Вкупната сума на митото се проценува на 100 милиони евра. Поради скандалот во 2008 година беа блокирани неколку договори, меѓу кои и оној за обезбедување сигнални уреди за безбедно движење на композициите во атинското метро. Притоа, било уредено така што подземната железница во грчката престолнина станала заложник на германската компанија, бидејќи се покажало дека системите на другите компании не се компатибилни со опремата којашто веќе ја инсталирал Siemens на старите линии.
Од „црните фондови“ на реномираната германска компанија, според грчката истрага, било давано мито и при склучување на договори за снабдување со дигитална опрема за автоматизираните телефонски центри на грчкиот телекомуникациски оператор ОТЕ.
По речиси десет години откако беше откриено постоењето на „црните фондови“, пред судот ќе бидат изведени 64 обвинети во случајот на ОТЕ. Меѓу нив е и поранешниот генерален директор на Siemens Hellas, Михалис Хростофоракос, банкарот Жан Клод Освалд, членовите на поранешните извршни одбори на ОТЕ, 13 државјани на Германија, поранешни функционери на „мајчинската“ компанија. Обвиненијата беа укинати за уште 80 други лица. Одлуката на обвинителството предметот да биде предаден во судот беше донесена на 9-ти март.
Во меѓувреме Атина ги засили повторните барања од Германија да ѝ биде предаден главниот осомничен во скандалот, Христофоракос.
Прашањето за корупција во концернот Siemens, новиот грчки министер за финансии Јанис Варуфакис го отвори на неодамнешната заедничката прес-конференција со германскиот колега Волфганг Штајнмаер. Бидејќи Германија бара од Грција да се справува со затајувањето данок и корупцијата, Варуфакис побара соработка во тоа и конкретно во случајот Siemens. Според германските медиуми, ова прашање било неочекувано за Шојбле. „Доколку секој го одржува својот двор чист, тогаш сите дворови ќе бидат чисти“, рекол.
Сепак, и покрај трите европски налога за апсење на Христофоракос, кој поседува и германско државјанство, германските власти одбиваат да ги извршат, откако еден од тамошните судови ги прогласи налозите за неуставни./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.