Регион
Во Грција уапсени двајца странци барани за тероризам
Грчката полиција уапсила двајца странски државјани кои биле барани со меѓународни потерници поради тероризам, објавија во саботата властите во Атина.
Еден од уапсените е државјанин на Германија, а другиот на Турција, и по нив имало издадено европска потерница и налог за апсење поради тероризам, соопшти службата за односи со јавноста на грчката полиција.
„Во рамките на антитерористичката соработка со соодветните служби на Германија, во регионот Панкрати на 15-ти и на 18-ти април се уапсени двајца странски државјани (…) Во однос на првиот е издаден европски налог за апсење поради тероризам издаден од властите на Франција и на Германија, додека за вториот потерницата е објавена од германските власти“, се вели во соопштението и се додава дека станува збор за државјанин на Германија на 47-годишна возраст и 56-годишне државјанина на Турција.
Германскиот државјани по одлука на јавниот обвинител на Грција е ставен во екстрадикционен притвор за предавање на Германија, додека турскиот ќе биде изведен во недела пред обвинителот. Во соопштението не се наведува какви контакти или активности имале уапсените во Грција, ниту за какви дела биле барани./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ по победата на изборите во Хрватска: Набргу ќе дознаете со кого ќе имаме мнозинство
Актуелниот премиер на Хрватска, Андреј Пленковиќ, чија партија ХДЗ победи на парламентарните избори во Хрватска, објави дека набргу ќе се знае со кого ќе формираат влада.
„Одлично е чувството, трета победа во низа и убедлива, тоа никој не успеа да го направи пред нас. Презадоволни сме, урнат е митот дека високиот одѕив не ѝ одговара на ХДЗ“, изјави Пленковиќ.
„Многу набргу ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Сè оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, а Риека правде на СДП добива 42 мандата.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.