Регион
Во Либија киднапиран уште еден српски државјанин
Српскиот државјанин Мирослав Томиќ во саботата бил киднапиран во Либија, а од српското министерство за надворешни работи изјавиле дека се во постојан контакт со либиските власти, пренесуваат српските медиуми.
Од српското МНР ја потврдиле оваа информација за весникот „Вечерње новости, истакнувајќи дека прават се за оваа состојба што поскоро да се реши и српскиот државјанин да биде пуштен да слободен.
Како што дознава белградскиот весник, 36-годишниот Томиќ, кој работи на нафтените полиња одалечени 1.200 километри од главниот град Триполи, бил киднапиран кај нафтената станица „Месина оилфилд“, која е во сопственост на компанијата „Арабиан голд олив компани“. Инаку, станицата не се наоѓа во зоната на судирите, поради што се претпоставува дека киднапирањето било извршено од страна на локална криминална група. Потрагата по киднапираниот Србин започнала веднаш по неговото исчезнување.
Според неофицијалните информации, Томиќ бил најверојатно киднапиран додека бил во обиколка на нафтената станица. Тој во Либија бил вработен во компанијата „Феростал“, која се занимава со одржување на нафтени цевки и постројки. Како и сите останати вработени, и Томиќ имал гаранции од компанијата дека ќе биде безбеден, поради тоа што околу нафтените полиња има обезбедување.
Пред пет години фирмата ги евакуираше своите вработени од зоната на судирите, а киднапирањето било извршено во мирен дел на земјата, поради што и се претпоставува дека било е направено за да се бара откуп. Томиќ до пред три седмици бил во Србија, а планирал да се врати во јули за да оди на семеен одмор со сопругата и двата сина. Последен пат со него, на ден пред киднапирањето, се слушнал еден пријател кој исто така живее и работи во Либија.
Во ноември минатата година во близината на градот Сабрата беа киднапирани службениците на српската амбасада во Либија, Слаѓана Станковиќ и Јовица Степиќ, кои нажалост потоа загинаа на 19-ти февруари, за време на американските воздушни напади на упориштето на терористичката организација Исламска држава.
Кон средината на јануари годинава, пак, по десет месеци заробеништво од затворот во Триполи беше ослободен Срѓан Бабиќ, поранешен телохранител на Зоран Ѓинѓиќ, а кој работел за француската компанија „Аргус“, која се занимава со физичко обезбедување на дипломатски и економски мисии./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.