Регион
Во нова акција против ѓулевистите 44 уапсени во Турција
Најмалку 44 високи функционери и припадници на безбедносните сили се приведени во вторникот во Турција во рамките на судската истрага отворен во Измир против имамот Фетулах Ѓулен, исламски филозоф проповедник кој е во егзил во САД, и кој од сојузник стана најголемиот противник на турскиот претседател Реџеп Тајип Ердоган.
Акцијата е изведена во 18 покраини ширум земјата и доведе до апсење на високи полициски и политички функционери, осомничени за „поседување воени и доверливи документи“, пишува агенцијата Dogan повикувајќи се на судски извори. Агенцијата Anadolu, во извештајот додава дека приведените се осомничени и за „вршење активности надвор од должностите“.
Според извори на весникот Hürriyet, акцијата е насочена против нелегална организација којашто претседателот Реџеп Тајип Ердоган и турската влада ја означуваат како „Фетулистичка терористичка организација“. Додале дека налози за притвор биле издадени за вкупно 57 лица, меѓу кои и за самиот имам Фетулах Ѓулен.
Меѓу приведените 44 лица се и поранешниот началник на полицијата во Измир, Али Билкај, и поранешните заменици на началникот Мехмет Али Шевик и Рамазан Каракаја, како и високо поставени полициски функционери од источната покраина Елазиг, лица кои извршувале должности на гувернери и заменици гувернери, како и други високи функционери, пренесува весникот Hürriyet.
Акцијата е покрената само два дена под надмоќната победа на ердогановата Партија на правото и развојот (AKP), којашто на неделните вонредни парламентарни избори го поврти апсолутното мнозинство во парламентот коешто ги загуби на изборите од 7-ми јуни, првпат по 2002 година откако првпат дојде на власт.
Операцијата, исто така, претставува продолжени од сличната којашто пред помалку од една седмица се одвиваше во Истанбул, кога на 28-ми октомври, три дена пред изборите, полицијата изврши рации во седиштата на телевизиите во сопственост на медиумската групација „Koza Ipek Group“, под обвинување за фискални неправилност. Групацијата е ставена под управа на владини повереници додека трае судската постапка, а турската јавност препознава во оваа акција пресметка со Ѓулен, поради тоа што телевизиите биле критички настроени кон претседателот Ердоган и владата водена од неговата партија.
Имамот Ѓулен, кој се смета за особено значаен за политичкиот подем на Ердоган и на AKP, кон крајот на 2013 година стана најголемиот противник на турските власти, по серијата корупциски скандали и незаконски прислушувања на владини и државни функционери, блиски на сегашниот турски претседател. За овие скандали Ердоган го обвинува Ѓулен, кој од САД управува со влијателна мрежа приватни образовни институции, од детски градинки до универзитети, кој со своите приврзаници во земјата формирал „паралелни структури“ во полицијата и судството, како и другите државни институции, со цел да ја собори владата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.