Регион
Во Словенија 2.000 бегалци, Церар пак ја критикува Хрватска
Во Словенија до саботата вечерта според неофицијалните процени на полицијата влегле околу две илјади бегалци и имигранти, од кои некои со автобуси се превезени во прифатните центри, но повеќето во земјата влегле на нелегални премини, преку ткн „зелена граница“.
За оваа граница словенечкиот премиер Миро Церар изјави дека е надворешната граница на Шенгенскиот простор и дека Словенија мора да ја штити, оценувајќи притоа дека Хрватска се однесува некоректно, бидејќи не ја контролира ситуацијата и бегалците од својата територија ги насочува кон словенечката.
„Знаеме дека Хрватска не ја заврши својата задача. Работите ѝ излегоа од контрола, дојде и до насочување на имигрантите и бегалците кон Словенија, што не е коректно“, изјави Церар повторувајќи дека Словенија е обврзана да ја контролира шенгенската граница и преку неа да ги пушта само лицата коишто имаат регуларни документи со шенгенска виза, доколку доаѓаат од трети земји надвор од ЕУ. Тој во Брежице ги пофали полицијата, војската и другите служби како и волонтерите за ефикасното однесување при напливот на бегалскиот бран.
На граничниот премин Ригонце пред граничните рампи и натаму има 350 бегалци кои се надеваат дека ќе им биде дозволен премин на словенечката страна, и дека по нив ќе дојде автобус. Меѓутоа, за тоа има сé помалку веројатност, па имигрантите се подготвуваат ноќта да ја минат под ведро небо или во шатори, информираше Словенечката телевизија.
Според последните информации, во Словенија веќе во повеќе градови и села функционираат десетина прифатни центри коишто и покрај недостатоците, сé подобро се опремуваат.
Во меѓувреме словенечката полиција ја негираше информацијата дека во текот на синоќешниот инцидент на граничниот премин Хармица загинало едно дете, а фрлањето солзавец врз активистот кој преку барикадата сакал да мине во Словенија заедно со бегалците го квалификуваше како издвоен инцидент, тврдејќи дека полицијата солзавецот не го употребила против другите активисти, бегалците и демонстрантите./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.