Регион
Во Србија уапсени лица за илегални активности кон Црнa Гора
Српскиот премиер Александар Вучиќ изјави во понеделникот вечерта дека во Србија се уапсени лица поради нелегални активности поврзани со територијата на Црна Гора, вклучително и следење на црногорскиот премиер Мило Ѓукановиќ откако црногорската полиција објави дека на денот на парламентарните избори на 16-ти октомври уапсила дваесетина државјани на Србија осомничени за обид за тероризам.
Како што објави српскиот премиер Александар Вучиќ,на територијата на Србија биле подготвувани илегални активности и приведени се лица кои го следеле движењето на црногорскиот премиер Мило Ѓукановиќ и тоа „со најсовремени уреди“.
„Надлежните органи во Србија дошле до материјални докази дека, меѓу другото, и на територијата на Република Србија се подготвувани различни нелегални активности за територијата на Црна Гора“, изјави Вучиќ на прес-конференцијата по седницата на бирото за координирање на безбедносните служби со којашто претседавал.
Вучиќ истана дека приведените лица се наоѓаат во Белград, имплицирајќи дека „постојат елементи“ на вмешаност на странски служби, „Работеле (приведените) заедно со луѓе за кои можам да кажам дека постојат елементи на странство“, рече српскиот премиер на прес-конференцијата.
„Не можев да се согласам да го премолчам ова, не можев да премолчам давање оперативни податоци на странски разузнавачки агенции. Не ми е важна цената која ќе ја платиме. Ова ниедна мала земја досега не го сторила…“, истакна Вучиќ.
Вниманието во регионот на денот на одржувањето на парламентарните избори во Црна Гора го предизвика информацијата дека на територијата на оваа земја се уапсени лица од Србија, коишто наводно подготвувале терористички активности,вклучително и грабнување на премиерот Мило Ѓукановиќ.
„Добра вест е дека во сето ова не наидовме на вмешаност на кој и да е политичар од Србија, а ниту од Црна Гора“, рече во понеделникот ноќта Вучиќ. Наведе и дека српските безбедносни служби во текот на акцијата добиле „директни признанија“,како и дека се„запленети униформи и пари“ во износ од 125.000 евра.
Вучиќ истакна дека лицата уапсени во Црна Гора не се поврзани со овој случај, како и дека државните органи во Подгорица доправа треба да ја утврдат нивната евентуална одговорност.
„Се сеќавате дека веднаш штом беа уапсени реков дека тој башибозук не можел тоа да го стори, но има кој можел“, рече Вучиќ и недоредено додаде „Знаете за кого зборувам“.
Директорот на црногорската полициска управа Славко Стојановиќ на 16-ти октомври соопшти дека во Црна гора се уапсени 20 државјани на Србија осомничени за тероризам.
Според сомневањата, тие влегле во Црна Гора и имале намера прво да преземат автоматско оружје,а потоа во текот на вечерта да изведат напади врз државните институции, полицијата и претставниците на државните органи, неисклучувајќи можен напад на високи државни функционери.
Според медиумите, меѓу уапсените е и поранешниот командант на српската жандармерија Братислав Бата Дикиќ, кој бил добар пријател токму со шефот на црногорската полиција Славко Стојановиќ и оти за 100.000 евра „глумел терорист“. Српските функционери, исто така, забележаа дека при апсењето српските државјани немале „лисици“ на рацете.
Српскиот министер за внатрешни работи Небојша Стефановиќ коментираше дека секој државјанин на Србија треба да одговара доколку сторил кривично дело, и нагласи дека во овој момент „нема доволно информации“ за апсењата на државјаните на Србија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024