Регион
Во Турција откази добија 28.000 наставници
Околу 28.000 турски наставници се отпуштени од работа откако се осомничени за поврзаност со курдските бунтовници а во прв ред со движењето на исламскиот проповедник Фетулах Ѓулен, обвинет во Турција за поттикнување на неуспешниот воен преврат од 15-ти јули, соопшти вицепремиерот во понеделникот, на првиот ден од новата учебна година.
„Од 850.000 наставници во Турција, 27.715 се отпуштени, 9.465 наставници се привремено отстранети од работа и 455 се вратени на работните места“, изјави заменикот премиер Нуретин Чанали на прес-конференцијата во главниот град Анкара, која ја пренесуваше турската телевизија.
Во понеделникот утрото повеќе од 18 милиони ученици на сите возрасти се вратија во училишните клупи во атмосферата на сé уште свежите сеќавања на неуспешниот државен удар од ноќта од 15-ти кон 16-ти јули во кој беа убиени 270 луѓе и ранети околу 2.000. По влегувањето во училниците сите ученици ја добија малата книшка „Победата на демократијата на 15-ти јули и сеќавање на мачениците“, документ кој го подготвил турското министерство за образование.
Потоа со минута молк им оддале почест на жртвите и се помолиле за нив, според упатствата од министерството за образование. Учениците гледале и два куси филма за загинатите (мачениците) и за обединетиот народ кој му се спротистави на пучот, со тонска подлога на гласот на турскиот претседател Реџеп Тајип Ердоган и звуците на турската химна.
Ваквиот почеток на учебната година следува по бранот чистки во државната управа, за да се исклучи секое можно влијание на клерикот Фетулах Ѓулен, кој живее во доброволен егзил во САД од 1999 година.
Во големиот град со курдско мнозинство Дијарбекир, на југоистокот од Турција, околу сто ученици протестирале и барале враќање на нивните наставници, но полициските сили ги отстраниле./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.