Регион
Во Турција уапсен милитант за убиството на пилотот на соборениот руски авион
Турските власти го уапсиле милитантот бунтовник Алпарслан Челик, кој претходно ја презема одговорноста за убиството на рускиот пилот Олег Пешков, пилотот кој се катапултираше од рускиот бомбардер „Су-24М“ кого крај сириско-турската граница го соборија турски ловци, пишува во четвртокот турскиот дневен весник Hurriyet.
Алпарслан Челил се вратил во Турција од Сирија, каде што војувал на страна на сириските исламистички бунтовници против сириските владини сили, а бил уапсен во средата вечерта во западниот град Измир во еден од тамошните ресторани. Причината за неговото притворање официјално не е соопштена.
Рускиот пилот кој се катапултирал откако неговиот авион „Су-24М“ бил убиен од припадниците на турската ултранационалистичка организација „Сиви Волци“ водена од Алпарслан Челик, покажуваат видоаматеријалите коишто беа објавени на интернет истовремено по соборувањето на авионот што предизвика остро заладување на односите меѓу Москва и Анкара и продолжена конфронтација.
На видео материјалот што ланскиот номеври го пренесоа турските медиуми, се наведува дека споменатиот Алпаслан Челик и „неговите соборци пукаа врз пилотот откако авионот бил погоден од турскиот F-16“. Истовремено тие тврдеа дека пронашле две тела на загинати пилоти, а не на еден, но подоцна се покажа дека едниот е спасен во операција на извлекување што ја изведоа руските маринци и сириските специјалци.
На интернет, исто така, бунтовниците два дена по инцидентот поставија видео на кое беа прикажани борци собрани околу мртво тело на лице во пилотска униформа, кои извикуваат пофалби на Алах и жалат што не го запалиле телото.
Турски и западните медиуми објавија дека руските пилоти се приземјиле на територијата во Сирија којашто ја контролираат сириските Туркмени бунтовници кои се поддржувани и вооружувани од Турција. Претходните години во тамошните медиуми се појавуваа написи дека во спомената област дејствува групата на ултранационалистите „Сиви волци“ кои ги предводи Алпарслан Челик, државјанин на Турција, роден во градот Кебан. Познато е, исто така, дека тој е син на поранешниот градоначалник на овој град, Рамазан Челик. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.