Вучиќ: „Хрватска е извонредно моќна вооружена земја“; „Мораме да бидеме подготвени да се одбраниме“

Претседателот на Србија, Александар Вучиќ, во своето гостување на РТС, зборуваше за вооружувањето на Хрватска, како и за регионалниот воен сојуз.

Александар Вучиќ рече дека Германија во моментов е вклучена во трка во вооружување со САД и Кина, но дека не сака да навлегува во причините за таквата политика, според медиумите во соседството.

„Дојче Веле“ е германски сервис и тие не се познати по својата објективност. Сега ги бранат Хрватите. Германија сигурно ги надминува САД и е на исто ниво со Кина во однос на инвестициите во вооружување. Им се восхитувам, тоа се нивни пари, можат да прават што сакаат. Наскоро ќе бидат четврта, па трета сила во светот, а не сум сигурен дека ќе останат таму.“

Потоа се осврна на воениот сојуз меѓу Хрватска и Косово.

„Јас не направив сојуз, ниту Србија, регионален сојуз со никого. На сите им е јасно дека ова е насочено против Србија“, рече тој.

Тој додаде дека Хрватска е „страшно моќна вооружена земја“ со исклучително добро опремена армија.

„Албанците во Тирана се вооружуваат, ние го следиме тоа. Приштина се вооружува од Запад и од Турција. Нашата доктрина е да бидеме толку силни што ќе ги одвратиме од напад. Им ветив на граѓаните на Србија, на сите мајки и на сите граѓани, дека ќе го одржуваме мирот по речиси секоја цена“, заклучи Вучиќ.