Регион
Вучиќ: Хашкиот трибунал не успеа да донесе помирување на Балканот
Српскиот премиер Александар Вучиќ изјави во петокот дека Хашкиот трибунал ја врши „политичката, а на правната улога којашто требаше да ја има“, пренесуваат српските медиуми.
Српскиот премиер Александар Вучиќ изјави во петокот дека Хашкиот трибунал ја врши „политичката, а на правната улога којашто требаше да ја има“, пренесуваат српските медиуми.
„Една од трите цели беше да дојде до помирување на просторите на поранешна Југославија, која во крвавите судири изгуби десетици илјади синови и ќерки. Таа основна цела не беше исполнета. Хашкиот трибунал цело време коваше клинци на ковчегот на заспаниот Балкан“, рекол Вучиќ.
Српскиот премиер истакнал дека Хаг донел многу пресуди за кои другите не говореле, како и пресуди за кои ниту во Србија не било говорено, што најдобро ја прикажува сликата за него – „да делува како политички суд, а не како правна институција“.
Според Вучиќ, Србија по пресудата за Радован Караџиќ излегла со најодговорниот, најјасниот и најсериозниот одговор за јавноста.
„Останатите во регионот и во Европа не го направија тоа. Рековме дека нема да навлегуваме во содржината на пресудата. Рековме само една реченица, а тоа е дека нема да дозволиме пресудата од Хаг да ги уриваат Република Српска и Србија. Тоа се нашите законски и уставни обврски“, порачал Вучиќ.
Според него, само 48 часа по „помирувачката порака во којашто Србија не направила драма, туку само рекла дека Србија како држава е важна, и дека Република Српска е важна како ентитет“, уследиле напади на Србија.
„Ние завршивме со таа приказна и натаму сме подготвени да разговараме со Бошњаците и да веруваме во иднина во која не смее да има место за политичка, правна или каква и да осуда над Србите. Да разговараме како еднакви, како партнери, а не како оние кои во наредниот период ќе бидат казнети“, истакнал српскиот премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.