Регион
Вучиќ и Лавров со критики за работата на ОБСЕ во областа на медиумите
Шефот на руската дипломатија Сергеј Лавров и српскиот премиер Александар Вучиќ ја критикувале работата на канцеларијата на ОБСЕ за слободата на медиумите, нарекувајќи ја политизирана, пренесуваат српските медиуми.
Лавров истакнал дека во работата на оваа институција треба да се постават јасни стандарди, но дека ова на некои земји не им одговара поради тоа што им е „поудобно да имаат аморфни структури кои се подложни на манипулација“.
Шефот на руската дипломатија упатил критики кон претставничката на ОБСЕ за слободата на медиумите, Дуња Мијатовиќ, поради тоа што таа не реагирала во случајот за апсењето на двата турски новинари кои биле уапсени само поради објавувањето на информации кои биле во нивен посед, и додал дека има уште многу вакви примери.
„Некои новинари беа и физички нападнати, а да не говорат за случаите кога руски новинари за време на воените дејства во Украина беа убиени. Оваа работа во ОБСЕ е целосно политизирана за додворувањето кон одреден број на земји“, рекол Лавров.
Вучиќ, пак, изјавил дека „првиот голем оркестриран напад со невистини за владата на Србија, направен од страна на Дуња Мијатовиќ следел по минатогодишните поплави во Србија“.
„Јас мислев дека вистината е важни и се обидував од петни жили да докажам дека пишувањата во некои медиумите се неточни. А тогаш во меѓувреме сфатив дека сето тоа нема врска со вистината, правдата и фактите“, рекол српскиот премиер, додавајќи дека веќе навикнал на удари, секогаш кога ќе се обиде да води суверена политика на земјата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.