Регион
Вучиќ: Нашата политика е мир и воздржаност
Нашите реакции на нападите се мир, воздржаност и трпеливост, не поради тоа што сме слаби, туку поради тоа што мораме да гледаме во иднината, изјавил српскиот премиер Александар Вучиќ, коментирајќи ги минатонеделните турбуленции во односите со Хрватска, пренесуваат српските медиуми.
Нашите реакции на нападите се мир, воздржаност и трпеливост, не поради тоа што сме слаби, туку поради тоа што мораме да гледаме во иднината, изјавил српскиот премиер Александар Вучиќ, коментирајќи ги минатонеделните турбуленции во односите со Хрватска, пренесуваат српските медиуми.
Тој додал дека за Србија од витален интерес се стабилноста и мирот во регионот, што претставува и суштината на напредокот на Србија во економска и секоја друга смисла. „Нагласив дека нашата политика ќе биде политиката на воздржување до максимум и неодговарање и неоговарање“, рекол Вучиќ по средбата со српскиот дипломарски кор. Вучиќ додал дека шефот на српската дипломатија Ивица Дачиќ не бил целосно согласен со неговото мислење, но дека „верува оти на седницата на Владата ќе се сложи со него“.
Српскиот премиер рекол дека минатата недела била една од најтешките недели за Србија, наведувајќи дека ги премолчил најтешките навреди на сметка на Србија, особено тешки поради тоа што доаѓаат од високи политички позиции.
„Не сакам да ги навредам нити хрватската држава, нити хрватскиот народ, не сакам да ги навредам нити оние кои одат дотаму и велат дека сам себе сум се нападнал“, рекол Вучиќ, мислејќи на изјавите по повод случувањата во Сребреница.
„Можете да говорите што сакате, нашата работа е да го сочуваме мирот и да се избориме за тоа да имаме најнизок дефицит и најголем економски раст“, додал српскиот премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.